أمبارح كنت عم أحكي مع صديق بأخوية عن هالموضوع
وسألني عن رأيي الشخصي
قلتلو انا كتير بآمن بعلم النفس وعندي ثقة فيه كعلم وبهتم جداً بمتابعتو
لكن متل موضوع تحليل الشخصيات والمواقف من خلال الحركات
في شي منو بحس ذو دلالة وفعلاً قابل للتصديق وفي شي يعني هيك ساذج نوعاً ما وبيخضع للصدفة
بالنهاية الموضوع غير قابل للتعميم وكرأي شخصي ما كتير هالتفسيرات باخدا بعين الاعتبار عالأقل ممكن لشخص عم نشوفو أول مرة يعني متل ما قال ابو طوني شوف واحد حاطط ايديه بجيوبو وانزل تفاسير أنا والزلمة يطلع بردان لهيك حاططهم بجيوبو
أو أوقات بيكون التصرف عبارة عن تقليد خاصة المراهقين بتلاقيهم بيتصرفو متل بعض ... عندي قريبة بسن المراهقة كل فترة شوفها عم تعمل حركة جديدة غريبة وتكون كل هالحركات عبارة عن تقليد لغيرا
لكن من جهة تانية بهالموضوع هنن عم يقصدو حركات شائعة بيقوم فيها الشخص بشكل دائم وشائع وبمختلف الظروف
بعتقد مو غلط الاضطلاع على هيك مواضيع وهيك تفسيرات وتحاليل ... لكن ما نلجأ دايماً لتحليل تصرفات غيرنا بهالطريقة لأن جد رح نتعقد 
// وأنّ حضورك في دمي مسكُ الختام //
|