اقتباس:
|
حلو كتير هالكلام معناها باعتبارك انت المسؤول عن قسم المجتمع المواضيع المختارة للموجز انت يلي اخترتها.. هون بيستحضرني سؤال... كلمة عينة مو بتعني نموذج من نوع معين؟؟ بناءً على تعريف أن العينة هي نموذج مابتشوف انو اختيار موضوعين لإلك هو بيجافي تعريف كلمة عينة وبيصير اسمو تحيز لمواضيعك؟؟
|
اقتباس:
بتصور عينة وحدة كانت بتكفي اذا الهدف انو ينوجد عينة من موضوع... وماني شايف أي تفسير منطقي لوجود موضوعين بيخصوك بيحملو نفس العنوان طبعاً بس بيختلف الرقم إذا الهدف ضرب مثال فقط...
بكل الأحوال ماني هون بصدد محاسبتك أو محاكمتك على اختيارك موضوعين من أصل 4 لإلك... بس أنا بصدد إفهم طريقة سير الأمور... طبعاً رغبةً مني بالمساهمة البناءة...
|
للصدفة البحتة مش أنا اللي اخترت مواضيع هالشهر, كون ماني الوحيد اللي موجود عالمجتمع و عندي مشاغل أخرى خارج قسم المجتمع, و يعني مش دفاع عن نفسي اني قلك انو كل الشهور اللي اخترت فيهون أنا المواضيع ما كان في مواضيع لألي بالموجز, و لذلك ما بعتبر نفسي متحيّز لمواضيعي بأي شكل من الأشكال
أي نعم معك حق, أنا بعتقد موضوع التخلف الاجتماعي موضوع مهم و لازم يكون موجود بالموجز (بغض النظر عن كوني أنا كاتبو أو لأ), و وجود الجزئين يمكن كان لتبيان انها سلسلة لم تنته, و كان ممكن الاكتفاء بواحد..
اقتباس:
|
بدي كون فضولي شوي واستفسر هون عن نقطة تانيه... هل اختيار المواضيع من مشرف القسم بيكون بشكل كيفي بحت أما بيكون بناءً على عوامل موضوعية كحجم المشاركة أو مدى أهمية الموضوع أو على الأقل حيز النقاش يلي احتلو الموضوع بالأقسام الحوارية تحديداً كالمنبر؟؟
|
اقتباس:
|
استوقفتني هالجملة كتير... المواضيع المختارة بالقسم موضوعين لإلك وموضوع المازوت فيني افهم انو هنن الستايل يلي "بدكون" مواضيع المنبر تمشي عليه؟؟
|
اقتباس:
|
المشكلة الأساس تكمن بإنو شي تمثيلي... وبتخيل بحكم كونوا شي تمثيلي لازم يكون في موضوعية وشفافية بالخيارات أكتر من هيك...
|
وشكراً كمان مرة.
حكيت بالرد السابق انو مواضيع الموجز هو تمثيل لما للفكرة اللي ببال كل اداري بكل قسم من الأقسام, و هو عبارة عن موضوع ما بعتقد أي عضو يعتمد عليه لتقرير المواضيع اللي تعجبو أو اللي يشارك فيها, انما هي تمثيل لما ترى الادارة انو هو نمط المواضيع المرغوبة (كنمط مواضيع و ليس كأفكار).. و بالنهاية كل واحد فيو يكتب ما يشاء طالما مش مخالف لأعراف الأقسام.
أما بخصوص الموضوعية التي تفضّلت بالمطالبة فيها, فكون حضرتك يجوز ما تشوفو أمر موضوعي (و أنا احترم وجهة نظرك) فلا يعني انو أمر فاقد للموضوعية.. بيظل الأمر نسبي حسب طريقة تفكير كل شخص و طريقة تعاملو مع الأمور
و شكرا