اقتباس:
حلو هالحكي بس كونك ما اخترت المواضيع مابيخلي مسؤوليتك كمشرف عن تعديل خيارات الإداري يلي اختار... وبناءً على هالحكي أنا بسحب "إتهامي" لإلك بالتحيز لمواضيعك وبقول انو الشخص يلي اختار المواضيع بهالشكل هاد متحيز لسبب أو لأخر لمواضيعك...
وبتصور انو لازم شوي يراعي بقية الأعضاء.. لأنو هالشي أبداً مابيعطي حافز إيجابي للبشر...
|
طيب رح ناخد هالشي بعين الاعتبار للمرات القادمة
اقتباس:
|
وأنا كمان بعتقد انو موضوع التخلف الإجتماعي مهم ولازم يكون بالموجز.. بس مابتصور توضيح انو سلسلة بيقتضي تكراره بنفس الموجز مرتين.. يمكن كان ممكن الاشارة جنب الموضوع برقم 1-2... لأنو هون بكرا بدنا نواجه مشكلة أكبر إذا بكرا صار موضوع التخلف الاجتماعي 12 جزء وبتصور انو هالشي ممكن بحكم تشعب الموضوع بيصير كل الملخص عبارة عن أجزاء التخلف الإجتماعي...
|
كمان وضّحت من قبل برد انو وجهة نظرك حول هالموضوع صحيحة...
اقتباس:
|
برجع بسألك هالتمثيل هاد مو لازم يعنمد على موضوعية؟؟ لاحظ هون ماعم احكي عن وجهة نظري وجهة نظرك (يلي بحترمها جداً) عم احكي عن عوامل موضوعية " مشاركات - حجم القضية - حيز النقاش "...
|
أخي الموضوعية لألك تعتمد على عوامل ما بتعتمد عليها موضوعيتي أنا, و لما يكون في مجموعة موضوعيات فيفترض انو صاحب المسؤولية هو اللي لازم يشوف الموضوعية اللازمة لتمشي مسؤوليتو.. يغلط, أي نعم, جلّ من لا يخطئ.
افتراض سوء النية من المخطئ, حتى لو اتفق الجميع على انو مخطئ, بعتقد مانو عدل ساعتها, و مافيني اعمل شي بوقتا غير اني اسمع و اسكت و اراجع نفسي.. أكتر من هيك مافيني اعطي
موضوع الحجب و الاعتقالات بالذات, نازل بموجز هاد الشهر, كونو استمر الرد فيه لحد نهاية الشهر و مهم جدا بالنسبة النا هالموضوع, و في تكملة لمقالة الأخ قرصان الأدرياتيك عم اشتغل فيها و بصدد عرضها عليه خلال الـ 48 ساعة المقبلة
اما جمهورية البوكمال الصديقة تحت النار, فبالزبط.. حكيت حضرتك لحالك انو قضية وطنية لها حجم لا يحتاج انو ينحط بالموجز ليكبر حجمها, و ليكو رح يظل طالع و موجود بجديد المواضيع طالما شغّال الرد فيه, على عكس الموجز اللي بيطلع بجديد المواضيع وقت ينحط رد الشهر فيه فقط
اقتباس:
طبعاً أنا كتير بعرف انو ذكرون أو عدمو بالموجز مابيزيد أو بينزل من قيمتون... بس متل ما إنت قلت الشغلة رمزية... واذا الرموز يلي عم نختارها عم تحكمها أهواء شخصية فقط بتصور في مشكلة...
كل شي فوق مانو وجهة نظر.. انما واقع بالأدلة والمعطيات...
|
طيب... أدلة و معطيات تدل على انو نشتغل بهالمنتدى بالأهواء الشخصية... عُلم قرارك.. و ما عندي تعليق عليه.
يا ريت تغلق الموضوع لو سمحت لأنو بعتقد جاوبت على كل شي فيني جاوبو بخصوص هالموضوع
و شكرا