قصتي مع الساطور
الاسبوع الماضي متل اليوم كان بكرا احد
وانا بكل احد بحلق دقني
يعني مافي علاقة للقصص النفسية
مشان ما حدا يطلعلي بانه الدورة الشهرية النفسية تبعي عبتترجم بحلاقة دقني مرة بالاسبوع
صحيح القصة دورية .. وصحيح انها اسبوعية
بس مانها دورة اسبوعية .. يعني نجوم السما اقربلكم
المهم
انا ورفقاتي متعودين كل احد ننزل نطلع نفتل ندور ونغير شكل
هوي عادة نحن مننزل كل ايام الاسبوع كمان منطلع مندور منغير شكل
بس انه شكل ارض الاسبوع غير يوم الاحد
يعني مثلا ثلاثاء مثلا
الثلاثاء مانه احد فهمت علي
هئيتك ما فهمت
بعطيك مثال تاني
السبت
السبت احد ولا مانه احد
مانه
اوعى تقول احد ها
فبهي المناسبة المميزة قررت احلق دقني
بس كل اسبوع كنت اروح لعند الحلاق حتى يحلقلي ياها
هاد الشي صرله شي 4 سنين ولهلق ماني حالقها بذات نفسي
لان باغلب الاوقات بكون في عندي روحا ومستعجل
ونادرا ما اجتمع مع حالي بنفس المحل وبنفس الوقت وبايد واحد مننا شفرة حلاقة
مش قصة نادرا
عمليا ولا مرة صار هاد الشي
لهيك ولا مرة حلقت دقني بذات نفسي
قعدت هيك حسبتا شوي
هفففففففففف
يا لطيييييييييييييييف
لك هاد الحلاق عبيستغلني !!
عبيستفذني هاد !!
يا لطيف
اما تاريك طلع شاري البيت على حسابي !!
فقررت ابدا احلق دقني
مسكت الشفرة هيك وبديت مررها
ومن هون بيطلع دم ومن هون بيطلع دم
بالاخير ما عدت شوف وجي من الدم
حطيت راسي تحت حنفية المي
رفعت راسي
بين علي شوي وجي .. صوت تحت داني اليمين .. لان الشمال ما نفدت معي
بس بقية المناطق كان في حواجز ما خلتها تبين علي
المهم بعد ما خلصنا
طلعت لبرة والادمية عبتشرشر على الاراضي
بشوفني الوالد بيسألني :
" لك شبك ؟! ليش هيك ؟! شو حالق دقنك بالساطور ؟! "
ومن وقتها وانا والساطور رفقة
آمين
رايحة تزور
كوخ مسحور
|