اقتباس:
كاتب النص الأصلي : توم و جيري
بداية بحب هني الشعب السوري والاخوة بالمنتدى بمناسبة الحركة التصحيحية كل عام وانتو بخير :
الخالد حافظ الاسد محفور بفكرك لو عملت 100 عملية غسيل مخ مرح تشيلو من فكرك وعلى مااظن مكان بحياتو راكد ورا الكرسي لا هوي ولا ولاده..ولا تنسى انو اجا بعد مليون انقلاب كانو مدمرين الثقافة والاقتصاد بهالبلد..
|
اي مزبوط محفور بفكري ... وفكر الآلاف ... بس محفور على انه هو اللي ما ترك شي بها البلد كويس ... محفور على انه ما ترك انسان يفتح تمو ويحكي .... محفور على انه الديكتاتوري ....
انا لما مات ... كان عمري 14 سنة .... وببراءة ... سئلت بابا : ليش بيقولو ع حافظ اسد ديكتاتوري
وصاحبك لما اجا ... كانت البلد مدمرة .. بس مو من ورا الانقلابات ..... كانت مدمرة لأنو كان عم يلعب من تحت الطاولة .. ولما اجا طلع لنا بحرب تشرين .... واللي لهلأ بيقولو انو نحن ربحناها .. بس شلون ما فهمان ...
شلون ربحنا الحرب .. بس خسرنا الجولان
اي رووووووووووو عن سمانا .... ها الحكي فعلاً ما بقا يحكوه حتى باجتماعات الحزب
اقتباس:
|
وهيدا اللي قال رحل الدكتاتور والله يمكن ما بيعرف انوحافظ الاسد انسجن كرمال بلده والوحدة وسمو عيلته الاسد لان ابوه قتل اكبر اقطاعي=دكتاتوري بضيعته يمكن نسيت هنو هوي الرئيس العربي الوحيد لزل اسرائيل واميركا مو بس بالحرب والبسياسة
|
اي ما بعرف ليش سمو عليته الاسد ... لأنو ما هي نقطة مهمة ... في اشخاص كنيتهم ( عبد الغفور ) .. بس ما الهم علاقة بالدين !! ....
سموه الديكتاتور بعد ما استلم الحكم .. لأنو كل اللي عمله تصرفات ديكتاتور .. سواء كانت كنيته ( الاسد ) او ال ( الغفور )
صديقك اللي ما زل حالو لأمريكا ... خلا شعبه كلو مذلول !!! ...
اقتباس:
|
وبالنسبة للسجون يمكن مابيصير كل مواحد قال انا معارض يحطوه بالمعتقل بس كمان موكل اللي بالسجن شرفاء نحنا دائما مننسى المليح ومنركد ورا القبيح وماحدا رب حتى مايغلط.....
|
كل مين عم يقول انا معارض .. عم يحطوه بالسجن ... واحياناً بدون ما يقول انا معارض عم يحطوه ...
وكل مين بالسجن ( بتهمة اعتقال سياسي او فكري ) ... هو شريف ... مهما كان .....
اقتباس:
|
قلة خونة بهالبلد رئيسك الخالد عطاه الملك السعودي مليون دولار ليبني بيت راح حطها بالميزانية في عالم كتير راحت تعزي بوفاتو واولن انا شب من هالشعب وشفت انو بيتو متل بيت اقل موظف عنا اسال وشوف......
|
اي مزبوط .. بيته متل بيت اقل موظف ..... وعليه لسه اجار العمال الي بنو لو البيت ... ما كمل لهم ...
ممكن اعرف بس مرتو ( السيدة الاولى ) ... كيف بتبني جوامع ؟ .... وهنن علية كانو عايشين بزمن اقطاعي وما معهم حق رغيف الخبز ؟
اقتباس:
وكلمة اخيرة :بحبك......بحبك....ياسوريا
|
كلنا منحب سوريا ... بس منحب سوريا الارض ... سوريا التراث ...... بس ما حدا بيحب سوريا الحكومة
شبل بانياس الاسد
اقتباس:
والله مو عيب عليه بس عيب عليّ بينكر الانجازات مع اني بعرف هي الكلمة مارح تعجبك بس 16 تشرين تعتبر انجاز واما وعم تقول شوفوا العالم وين وصلت فأنا بأكدلك انو العالم عندها كمان تاريخ وبتفتخر فيه وبالانجازات الي حققتها ....
اما شو هي الانجازات؟؟؟
فهي كتيرة حبيبي ولهلق في انجازات اساسها كان هوي هي الحركة....مارح احكي غير عن اهمها والي هوي
حرب تشرين الي ما كنا فزنا فيها.. لانو الشعب كان ملتهي بشي اسمو انقلابات
اما اذا صرت تكره تقول انو بتحبها لسوريا فهي مو مشكلة لانو سوريا رح بتضل بتحبك
|
اخي ما حدا عم ينكر ها الانجازات .... بس وينون
يعني إذا حضرتو بنى كم جسر ... وعمل كم مطار ... صارو انجازات الحركة ؟ .... يعني عطيني دولة مافي ها ال( انجازات ) ..
مثال من ها الانجازات انو عملنا مستويات للطلاب ... بيجيك طالب بكالوريا لحتى يفوت ع الجامعة ... بدو يدرس ويجمع مجموع الله ربو .... وبالاخير بيجي واحد من تبعوت الشبيبة او من تبعوت الحزب ... بيجمع اقل منو .. وبيفوت نفس فرعو !!!! ....
اي حل عن سمانا ياه ....
اليوم حاجتي ..... انتزع مرائي اكتر ما هو منزوع .....
مستغرب وجود اشخاص من شباب سوريا لسه بيفكرو بها التفكير ......
(( لمعلوماتك راسب بالقومية تبع البكالوريا ...... وبالجامعة لهلأ عم احمل المادة مع اني سنة رابعة )) .....
ومتل ما قال لك احمد
اقتباس:
|
ازا هي القومية تبعك اللي بدي اتعلمها .. فاكبر شرف الي حصلت عليه بحياتي .. اني رسبت بالقومية .. واكبر شرف الي انو سبب رسوبي بالبكلوريا 3 سنين ... هوي القومية تبعكن ... لانو من ورا هالقومية الزائفة .. ومن ورا هالقومية اللي اخدت اقرب الناس الي صرت اعرف اني فخر المواطن السوري.
|
الحرية لجميع سجناء الرأي و المعتقلين السياسين في سوريا
الحرية لسوريا