اقتباس:
كاتب النص الأصلي : whiterose
قبل بدقايق من تسكيرك لموضوعي
حذفتي موضوع اسباب ركود اخوية؟؟؟
ليش خلي باب الحوار والنقاش والعلمانية مفتوح
|
للأسف متل ماقلتلك انو في فكرة براسك بدك تحكيها بأي مناسبة وبأي طريقة.
الموضوع المحزوف انحذف بناءً على طلب صاحبو لرغبتو بإنو ينشر فيه إستفتاء ومافي امكانية تقنية لنشر استفتاء بعد نشر الموضوع.. فطلب مني احزفلو الموضوع مشان يرجع ينشرو مع استفتاء.
هاد الشرح مانو تبرير أو تفسير بس هالشرح بهدف اني وضحلك انك بتتهمي وبتعممي وبتنتقدي بدون طعمه وبدون سبب منطقي أو هدف بناء إلا أهداف بنفسك ولغاياتك.
اقتباس:
ليش عم تهربوا من نقاط ضعف المنتدى
قوة المنتدى فينا كاعضاء مو فيكون كمشرفين
|
هي وجهة نظرك.. بالنهاية أخوية منتدى بيعتمد على الجميع والجميع بالنهاية أعضاء بهالمكان بس يبدو انك مصره تقحمي كلمة مشرفين وإدارة بكل شغلة كمان لسبب انتي بتعرفيه..
اقتباس:
ثم وحياتك مو هاد هدف موضوعي انا الشي يلي قلته بعرفه من زمان وفهمانةالوضع تمام
بس كنت عم رد على الردود يلي انطرحت
|
أول شي ياريت ماتحلفي بحياتي وشكراً سلف
بإعتبارك فهمانة الوضع تمام وبتعرفيه من زمان فشو الهدف لكن من الموضوع غير متل العاده شوية مشاكل على شوية مسبات على الإدارة على شوية نقد لأخوية وشو صار بأخوية وكأنو أخوية كان موقع للإخوان المسلمين وحالياً صار منتدى علماني.
ومتل ماشفتي بالموضوع كل المشاركين مافهمو شو بدك من الموضوع ولا شو هدفك من الوجود بمكان مانك مرتاحه فيه.
اقتباس:
بس هي عادتك ريم تخطفي الكباية من راس الماعون
حطيتي ببالك تسكري الموضوع فسكرتيه
|
برجع بقلك أسباب إغلاق الموضوع موضحة بالرد أما موضوع شو حاطه براسي وشو مو حاطه فما بتصور انو ماعندي شي بحياتي غير كيف بدي سكرلك موضوعك.
ماعندي شي ضيفو أكتر من هيك إذا خلصتي ياريت تسكري الموضوع.