[عبر المحيط]

كاتب النص الأصلي : ayhamm26

النموذج العلماني اللي عم يتم نقاشه هون هو النموذج الاوربي حصرا , اللي نتج عن صراع مرير بين المجتمعات الاوربية وتسلط الكنيسة ممثلة ب بابا الفاتيكان و افرز فكرة الفصل التام للدين عن الدولة على اعتبارو هو المشكلة

في العالم الاسلامي انا بشوف اختلاف كبير , يعني لا بالعصر الحالي ولا القديم سبق لرجل دين اسلامي انو حكم بشكل مباشر او غير مباشر(طبعا انو هون عم احكي عن الاغلبية وليس عن بعض الحالات الاستثنائية متل ايران مثلا) و لا كان لرجال الدين سلطة على العكس كان الخليفة او السلطان او حاليا الرئيس او الملك هو اللي بيتحكم برجال الدين واللي ما بيظهرلو الطاعة والولاء بشيلو وبيجيب غيرو

ومن هون انا بقول انو فصل الدين عن الدولة نهائيا والاعتماد كليا على التشريع البشري في كل شئ بدل التشريع الديني غير مقبول عند اغلب المسلمين

هلق شو الحل؟؟ برايي التوفيق بين المصدرين بحيث لا يلغي احدهما الاخر

يعني التشريع الالهي برايي بيعطي خطوط عامة وتوجيهات للتشريع البشري, وما بيعطي خطة مفصلة للانسان لتسيير شؤون حياتو , وبهالسياق لازم الانسان نفسو يفكر ومشكلة المسلمين هي التواكل و الركون لمقولة ان الاسلام هو الحل مع الاعتقاد انو كل الحلول موجودة حرفيا في القران الكريم

يعني المسلمين عم يمروا حاليا بفترة انعدام وزن شبيهه بفترة تاريخية مرت فيها اوربا بالعصور الوسطى

والحل لن يكون بالاعتماد على العلمانية كاملة و لا على الفكر الديني الطالباني المتطرف الذي يدعوا الى الانعزال عن العالم المحيط

يا سلام عليك كلامك في محله بس احب اضيف عليه شيئ بسيط
انه الكثير من رجال الدين الوسطيين كان لديهم الخجل في مقارعة المتشددين خاصة في السبعينيات وثمانينيات ولكن في الاونه الاخيرة بداء يظهر بعض الاسلاميين المعتدلين الذين يحاولون تغير الاتجاه المتشدد في التيار الاسلامي حتى ان هذا التيار الاسلامي الوسطي بداء يقبل النقاش وتفهم اراء التيارات الاخرى سواء علماني او لبرالي او غيره انا مع هذا التيار الاسلامي الوسطي ومن المؤيدين له