[Marcello]

لكن الله يسترنا الله يسترنا من شي مبادرة سلام جديدة ,يعقبها عدوان اسرائيلي ماحق, يهدم بيوت غزة على اصحابها.
كما كان عدوان الكيان الصهيوني على لبنان على اثر مبادرة سلام -عفوا- مبادرة استسلام. عما تتحدث يارجل؟ وعن أية قمة ؟هل حلت قمة مشكلة عربية أو انقذت دما عربيا؟
القمة لأنقاذ ماء الوجه الذي لا ماء فيه.

[/quote]



يعني بجد موضوع هالمبادرة العربية شي بيضحك .. او ازا بيفوت الواحد شوي بجو هالمبادرة بيحس حالو معتوه او ممكن يصير معو جنون مطبق ... يعني بالله شو وزن هالمبادرة العربية... اللي بيصرع انو هالمبادرة اغراء قال لاسرائيل.. لك ازا معظم الدول العربية بسلام و تطبيع قائم هلئ بينا و بين اسرائيل .. بقى شو هالاغراء ( يعني شلحو الجماعة زمان .. و اسرائيل شافت و لعبت و نكشت متل ما بدا ) بقى وين الاغراء .. أصلا قرفو منون

يعني بجردة حساب سريعة هيك،عندك 3 دول فيه سلام بينها و بين اسرائيل ( الأردن و مصر و موريتانيا ) و سفارات و تطبيع علاقات كاملة ، و السلطة الفلسطينية خلينا نقول انو عاملة نص سلام ،، و عندك دول فتحت مكاتب تجارية بهالزمانات و سكروها بس لسا بحالة تطبيع مع اسرائيل على ارض الوقع متل المغرب و تونس و عُمان و البحرين و قطر ، و زيد عليهون هلئ العراق اللي في وجود اسرائيلي كبير موجود هلئ بكردستان ( هيك بتقول الصحف الاسرائيلية عن الوجود الاسرائيلي بالعراق ). بيصفى عندك سورية و لبنان و السعودية و الكويت و الجزائر و ليبيا و السودان و اليمن . يفترض انو ما في علاقات ( هيك بيقولو ) ، هدول الدول اللي يقدرو يقايضو اسرائيل بالاراضي مقابل التطبيع .. و لهلئ ما بتسمع شي اكتر من شجب و استنكار و زيادة عن هيك عم يشتغلو ببعض هالدول ،، والتطبيع مالو بس على مستوى الحكومات و القطاعات التجارية .. لأ في موضة انو فيك تستضيف مسؤولين اسرائليين على الفضائيات منشان الحياد و الموضوعية بتغطية الأحداث ( و خود ثقافة يا حبيب و روّج للسياسة الاستيطانية متل ما بدك منشان الحياد و الموضوعية )

بهالحالة بالله شو وزن المبادرة العربية للسلام و مقايضة الاراضي بالتطبيع ازا هالتطبيع و السلام معظمو متحقق مجانا من الجانب العربي .. بالعكس هلئ الترويج عم يصير منشان يتنازلو عن قضية القدس و اللاجئين .. و سلامتكن