نحنا كعرب حاليا أغلب العيل بتحاول يكون عندها 3 أو 4 ولاد وبرأيي الشخصي هاد العدد من الأولاد ممتاز في حال كان رب الأسرة زلمة مقتدر وبيقدر يدرسهم ويعلمهم ويعيشهم حياة كريمة
بغض النظر عن موضوع انو بالمستقبل ما بتعرف شو بيصير بيفلس بينجلط بينتصب عليه هاد شي مانا ضامنينوا, أما مثلا شخص هو أصلا مالو قادر يطعمي حالو ويطعمي المرة بتلاقي عندو 5 أ 6 ولاد وبعد هيك بفلت الولاد بهالشوارع
يشتغلوا بأي شغلة من غير تعليم ومن غير حتى تأمين الحقوق الأساسية للطفل فهي بترجع لقلة وعي الشخص نفسو يلي مالو مقدر قديشو حيضر المجتمع بالمستقبل....
بحالة الدول الغربية إلي عم تعاني من نقص بالقوة الفتية أو الشباب فهي بترجع لأسباب إقتصادية وإجتماعية بنفس الوقت, يعني بسبب غلاء تكاليف المعيشة بالعالم الغربي مقارنة بدولنا بتلاقي الناس عم تتأخر بالزواج
يعني سن الزواج الطبيعي عندون بال 30 ووبعض الحالات بتلاقي بيتجوز بسن ال 40,
أضف إلى ذلك انو بالمجتمع الغربي الرجال والمرة بيشتغلوا لهيك بيقلولك أنا ما عندي وقت ربي الولاد وعلمهم بالتالي بتلاقيهم بيكتفوا بولدين وأحيانا بولد واحد وحتى لما تلاقي عيلة عندها ولدين فبتلاقي الفرق بين الأخوة
كبير مو متل عنا الفرق بين الولد والتاني سنة أو سنتين, تقول حدا لاحقوا بعصاية أو شغلة بيساويها وخلص بيقيمها من بالوا
....
هلأ بنرجع لموضوع تحديد النسل والي حسب قولك فكرة غربية, فهو بالمرة مانو فكرة غربية هو فكرة بتخدم الواقع الي نحنا عايشين فيه والمستقبل تبع الدول العربية بشكل عام الي باين متل عين الشمس,
يعني الحالة الإقتصادية من سيء لأسوأ, ومدخول الفرد عم يزيد بس بنفس الوقت كلشي عم يغلى وعم يغلى أضعاف الزيادة كمان, لهيك نحنا لما بنجيب ولاد كتير نحنا عم نهدم المجتمع مالنا عم نبنيه في حال كنا مالنا مقتدرين
أنا الدمَشقي لو جرحت جسدي .... لسال منه عناقيد وتفاح