[سوا ربينا]

كاتب النص الأصلي : I_Love_Syria

ولك انتا على راسي كزدرة (مع سحبة حنك عاليمين ولتحت متل شوفيرية التكاسي الدواوين يعني)


ياسيدي العزيز متل ما اتفضلت الأخلاق بالمقدمة, ومتل ما قلت قبل هيك مو كل الناس متل بعضها

وبالنسبة لموضوع مصاري السعودية والخليج بشكل عام فهنن مالون مفضلين على أي شخص كائن من يكن يعني لما عم يعطو مصاري عم يعطو ياهم مقابل شي هو عم يقدموا يعني مو كرم أخلاق هاد أولاً
ثانياً لو هنن مالهم بحاجتو ما بشغلوا من أصلو بشغلوا ابن البلد
وثالثاً مابيعني اني عايش ببلد معيّن وعم آكل من خيراتها انو ما بيطلعلي احكي عالعيوب الي أنا شايفها بهالبلد يعني مابقدر ضل مسكّر تمي وساكت, وإذا بدنا نمشي على هالمنوال فمعناتوا مابنقدر نحكي عالأخطاء الي بنشوفها ببلادنا لأنو بلادنا طعمتنى وربتنى وقدمتلنا أكتر من بلاد الغربة.....

ويلي بيستغني عن أصلوا مافي أصل ويلي مافي خير لبلدو وأهل بلدو مافي خير للناس جميعاً

انو شو يا زلمة.. شكلك الك ع الدواوين ...
بالنسبة للسعودية او الخليج او حتى اي بلد كان ... اكيد لازم ازا في عيوب احكي عيوبو .. حتى ببلدي الاصلي فيه عيوب برضو بحكي عيوبو ... بس لما يكون بلدي الاصلي غير يعني حتى لما بحكي عيوبو ما بكون متدايق متل لما يكون بلد تاني ... وبالنسبة لمصاري السعودية او غيرها فمتل ما انت قلت اكيد ما بيعطوني اياها هيك ببلاش او عن روح ستي ... كلو بحسابو ... بس لابد ازا انا كنت عندهن بشتغل يكون عندي احترام لهالبلد ..مش مشان مصاريها لا... مشان انا عايش فيها وخصوصا ازا كنت بمكان ما بيحسسك بالغربة ... وبالنهاية كل بلد وكل شعب الو محاسنو وسيئاتو ... وكل واحد بيقول عن بلدو وعن جنسيتو انو هي الافضل ... وهالشي طبيعي لانو هي نوع من الانتماء للوطن...

كاتب النص الأصلي : nour333

مو هيك القصة بس القصة هون ابنطلع ع اسم اللي كاتب الرد اكتر من الرد نفسو
انا ما عندي مشكلة مع اي بلد ازا المتل بقول البطن بستان بطلع اشكال والوان
فما بالك بلد شو ماكان هالبلد مستحيل كل شعبو منيحيين او عاطليين
وفي نقطة افصلو بين الشعب وسياسة الحكومات
ودمتم

انو ما فهمت شو يعني هون بنتطلع على الاسم ؟؟