[حنين.]

كاتب النص الأصلي : Marooshe

صعوبات التعلم مشكلة شائعة جدا اليوم ، مش لانو نسبتها عم تزيد وانما لانو الوعي الها عم يزيد ... الوعي لهيك حالات اكيد بيحد من اضرارها،
سابقا كان الولد ازا فشل بالمدرسة يلقو اللوم علية وعلى عدم اهتمامو والمعلمين طبعا يلومو اهلو لي ماعم يهتمو فية وما عم يجبروة يدرس متل ما لازم ...
اما اليوم صار في وعي اكبر بكتير لهيك حالات ، بس وللاسف في كتير اهل ما بتعرف اصلا بوجود صعوبات تعليمية (لانو الاعاقات ع طول واضحة وظاهرة) لهيك ما بيتعاملو معها، بيلومو الولد بيوبخوة وبيعاقبوة على ذنب هو ما اقترفو ...

الصعوبات التعليمية ممكن تدمر مستقبل ولد ...
صار اني تعاملت مع طالب لي كان عندو مشكلة في فهم المقروء فكانت النتيجة هيي عدم فهم المواد لي عم يدرسها وعدم فهم اسئلة الامتحان والرسوب ... لما صار في بحث عن السبب والتقت نقطة الضعف وصار هاد الطالب يترافق مع مختصين ومهنيين ليشرحولو كلشي فجأة صار التاني ع الصف وتخرج بامتياز !

لهيك جدا مهم انو ننتبة لكل تغيير صغير او لكل خلل بسيط في حياة اطفالنا ...

يعطيك الصحة مروى على التوضيح الهام
يعني بفهم انك مدرسة؟؟
توم وجيري وكل الي يحب يضيف شبء بخصوص هاد الموضوع البيت بيتكم اتفضلو
عموما لسا بدور عن حلول الاعاقات التعليمية رح جيبهم ان شاء الله قريبا
يعني يتبع..