محمد ابراهيم
مجادل 
ونسونجي ... وبيتأخر ع مواعيدو 
GOVERMENT
نهفة حسن .. بس بيعصبني أنو ما داير بالو ع دراستو
صياد الطيور
وسوفي مر .. وبعتذر منو عالخبصة اللي هو يبعرفها 
رجل من ورق
هالزلمي بحس أني بقدر حبو اكتر من بعيد ، فيه شي من عدم الصدق ما بفهمو 
ولأني بعزو " هو طيوب بس مدري كيف " حسيت لازم بعد وضل بعزو
the morrning
لو أخوية عاطيتني هالصديقة وموقفة .. بيكون انا ممتنة لأخوية دنيا وآخرة
من أعمق العلاقات بحياتي بهالفترة .. لأ بصراحة أعمق علاقة بحياتي وأقرب صديقة .. بحبا قد الدنيا
وبحس أني .. بفهمها وبتفهمني والأهم بحس أني بقدر كون أنا معها .. بدونها كتير شغلات فيي كانت رح تكون مختلفة
محبتها بتحسسني بالأمان وأنو الدنيا تمام .. وبتحسسني أني ما كائن لونو أخضر
عنا كتير زكريات عميقة لدرجة ما اعتقد انساها بحياتي .. هي من تفاصيل نهاري بحس في شي أساسي ناقص إذا ما حاكيتا ..
هالصداقة فيني قول بثقة أنها رح تعيش كتير
handsome
شغلة مشتاقتلو
abosleman
الظروف بعدتنا ما بعرف ليش .. بس بعرف أنو هالزلمي بيعزني من قلبو وأني أنا كمان بعزو كتير
LiOnHeArT .3la2
ما كنت متوقعة بحياتي أني طيقو لهالولد 
بس والله تجري الرياح كما لا تشتهي السفن
بيخليني أضحك من قلبي .. ومن فترة حسيت اني كتير باكل همو .. وبخاف عليه وحتى اني بصليلو .. فأنو يعني ما بعرف هبول هالولد بيفوت عالقلب...
yamen_h
مع أنو انا وهالصبي بنفس المدينة بس ما منلتقى كتير .. علاقتنا هيك عالرسمي .. وبيعمل حفلات وبيعزف وما بيخبرني وبسمع من الناس 
BL@CK
عبد فاجر جدا ً .. وبحس أنو هالزلمي لغتو بالتعبير بتظلمو كتير
اللي ما بيعرف عبد بالواقع اخوية ما بحسها بتنصفو لهالصبي
عبد الصديق الكفو للموت .. واللي بس حب حدا بيدافع عنو بروحو .. وقت بفكر بوجود عبد بحياتي بعرف كيف يعني يكون عندك شخص لو بتحتاجو بأخر الدنيا بيجيك
هو بيعرف اني ما راضية عن كتير قصص عم تتغير بشخصيتو بس مطنشني