[butterfly]

MadMax
انا وسامر ما فيني قول أصدقاء .. يعني ما بحس منعرف بعض منيح بس الشغل مع سامر حلو .. كفو هالزلمي بتقدر تعرف انو الشغلة رح تصير تماما وبالوقت وهيك ما بدك عشرة يلاحقوه
وائل76

بحب أسلوبو بكتابة المقالات .. واشتقنالو جدا ..

مسطول ع طول

نهفة .. بيزودها اوقات بس بيبقى نهفة

أمرأة من ورق

آخ هالبنت لو كانت بأخوية حاليا بحس بقدر اعطي اكتر بوجودها .. بنفهم على بعض بسرعة .. منقدر نتواصل ونتفاهم
محترمة وراقية وبتقدر تحترم اختلاف الاخر بسهولة
من الناس اللي منفتقد حضورن بأخوية هالأيام

مايا*

صديقتي واختي الكبيرة .. بحس أنو نحنا متناقضين جدا بالمزاج .. فرحي والحزن تبعها
بشوف روحها نقية جدا ً .. بثق فيها وبحترم وجهة نظرها
وبحتاج وجودها بحياتي كتير
بحبا لهالبنت باختصار يعني

ليندا

غطت فجأة وما عدت سمعت أي شي عنها

abu william

كتير تغير عليي .. بحس أنو اول ما فات ع أخوية كان شي .. ومواضيعو هلق شي تاني تماما ..
حتى ما عدنا نكره بعض تحسن الوضع كتير

zen

ما بحس أني بعرفو تماما لهالزلمي ..

abu toni

كابي .. بيشتغل ع حالو كتير .. بس مشكلتو انو عصبي ووقت بيفوت بجدل يا ويلاه

sandra

هيك بحس علاقتنا بسيطة بدون تعقيد .. بحبا وبحترما .. كشخص وكجزء من الفريق
بحس أنو ساندرا أحيت قسم أنا بحبو .. وكنت متوقعة ما يعيش بحياتو
طيوبة هالبنت ..

Roaa
رؤى من الناس اللي كتير كنت ظالمتها بنظرتي عنها .. كنت متوقعة انو انا وهالبنت ما معقول نتفق وخاصة وقت كان اسمها دلوعة سوريا اليوم بحس أنو وجود هالبنت بأخوية مهم .. نشيطة
لأ وأنا عاملتها المستشار تبع أناقتي .. كلما بكون مزنوقة دخيلك يا رؤى شو البس ؟ شو أعمل ؟