اقتباس:
كاتب النص الأصلي : ayhamm26
ما عم بعرف ليش مصر تربط هيك نوع من الجرائم بالدين؟؟
|
لأنو الدين هو أهم عامل بيتحكم بمجتمعنا ..... و هو عم يشجع على هالشي
اقتباس:
|
وين في نص بالدين شفتو بيقول للواحد اذا شك مجرد شك بتصرف اختو او بنتو او زوجتو , يروح يقتلها؟؟
|
ما حدا جاب سيرة الشك
نحنا عم نحكي في حال إثبات الزنى
في حال شافها بأم عينو
بهالحالة هو متأكد انو في زنى
و بيعرف أنو حكم الزنى بالاسلام القتل .... فـ بأغلب الاحيان ... رح يقتل و ضميرو مرتاح
بينما حكم الزانية بالقانون المدني ... أكيد مو إعدام
اقتباس:
|
اما اذا الزوج او الاخ شاف هيك شي, فما عندو اي حق ياخد حقو بايدو.
|
ما عندو حق ... أكيد
بس منرجع لأساس الحكم بالاسلام
الاربع شهود ... هدول مشان إثات الزنى .... بس مو هني شرط الحكم بالقتل ( يعني مو معنى الحكم أنو يللي بتزني قدام 3 حلال و قدام 4 حرام )
بقى يللي بشوف بعينو ... فبينو و بين حالو شرط الاثبات تحقق .. و جازت العقوبة
اقتباس:
|
القضية هي رؤوس متعفنة متحجرة ما رح يردعها اي قانون, والحل الوحيد هو التوعية والبدء من رجال الدين اللي المفروض يتحملوا المسؤولية الاكبر على اعتبار هالشي عم يتم نسبو للدين فورا
|
هيك أنا معك
يجب توعية المجتمع.
اقتباس:
|
هي العقول اللي في عنا منها كتير هي المشكلة مو التشريع.
|
يمكن العلة بالتفسير أو بالتأويل
يعني البعض راح بتفسير هالحكم على انو لردع الفجور و الانحلال بالمجتمع ....يعني لما الوحدة بتزني على علم 4 شهود .... بتكون ما عم تمارس مجرد زنى .. بل صار نوع من الفجور .... بس مو هادا موضوعنا
موضوعنا قانون و مجتمع مدني ...
و إزالة الاسباب التخفيفية لجرائم الشرف .... برأيي هو مطلب مهم