[همس الياسمين]

كاتب النص الأصلي : Elephant And Castle

بعد ما أحد الأصدقاء بأخوية ذكر انو الشعب السوري بيتميز بالشجاعة و الكرم والأخلاق العالية ..ذلك كان ردا علا ما كتبته انا بأن السوري ضعيف و مهزوز الشخصية ...فكرت اطرح هالشي كموضوع و اسمع أرائكم بموضوعية ...بس خلوني أول شي اذكر كم بقطة ...


الفساد منتشر بكل مؤسّسات الدولة بشكل مستحيل تشوفوا ببلد تاني ,,يعني بدون رشوة ما فيك تعمل شي ,,هادا بيتسمى أخلاق !!

مين فينا ما سعى ورا الواسطة مشان شي وظيفة او شي مسابقة بالجامعة او شي تاني ....هادا بيتسمى اخلاق !!

الجريمة بسوريا بمعدلات مرتفعة كل سنة بسبب زيادة الفقر و الجهل ,,و هادا الكلام مدعوم متقارير منظمات مختلفة ,,,كمان مرة تانية ,,هيك الأخلاق

السرقة من مؤسّسات الدولة صارت حلال بمفاهيمنا هالأيام حتى صارت الأم تدعي للولد (روح الله يوفقك بشي وظيفة تقدر تقص منها دهب !! ) ...اخلاق !!

هلأ منجي عالشجاعة !!

مين فينا بيقدر ينتقد سياسات النظام بالداخل او بالخارج !! هادي شجاعة !!

مين فينا بيقدر يثور عالظلم والواقع المتردى !!
كيف الجميع بيسكت وقت بتنجاب سيرة احد الشباب المعتقلين ظلما بالسجون خوفا من انو يوصل البل لدقنا !! ما شا الله عالشجاعة

كام سنة صرلها الجولان محتلة دون اي محاولة لتحريرها ,,,شاطرآين بس بالكلام !!

مين فينا بيقدر بيحكي مع واحد من الشباب الشبيحة وقت بشفط بسيارتو بالليل و بكون قصدو يسمع شي بنت بالحارة ...!! لسا شغلة الشبيحا ما موجودة غير بسوريا !!

وقت القاضي بيحكم ظلم و ما حدا عندو ا الشجاعة يقول ليش !!!!!


بالغربة بتشوف استغلال السوري للسوري بأبشع الطرق !! مثلا صاحب عمل بيستغل حاجة احد العمال السوريين بطريقة قريبة للأستعباد !! ..هادا الكرم السوري ! هههه


مختصر الكلام ,,السوري مهزوز و لئيم بطبعوا ..وقت بكون محكوم بتلاقي ذليل ,,وقت بكون حاكم بتلاقي ظالم !!

شباب صححولي اذا غلطان

أكيد غلطان وبقوة
كمان ويكون بعلمك انت بتحكي هيك لآنك يمكن بحياتك ماطلعت برات ضيعتك او مدينتك يلي هيه..وبالنسبة للشبيحة يابعد عمري هدلون موجودين برات سوريا اكتر من بسوريا عطيني دولة عربية مافيها محسوبيات وفساد ؟؟؟ ممكن تقلي على اسم دولة وحدة بس (حاجتكم حكي بلا طعمة ) حاجة تشوهو صورة البلد ويكون بمعلومك ومعلوم كل المتفزلكين السوري مانو لئيم أبدااااا على العكس تماما ازا في كرم وكرامة وشرف وشهامة بيكون بالمواطن السوري وهاد مابيمنع انه في بعض الطفرات ..صدقني سوريا بشعبها بعدها بخير وازا مابتعرف شو عم يصير بالدول العربية !!بيرجع السبب لآنه مافي متلك ..يعني بيكونو عم يموتو ألف موتة وبيقولو بلدنا جنة وشعبنا ملائكة حاجة بقى وحلو عن هل البلد ارحمو ا سوريا ياناس .......سوريا سوريا سوريا ستبقى سوريا مهما غدر بها الرعب والمواطن السوري سيبقى تاج على رؤوس كل العرب مهما حاولو يشوهو الحقيقة .. هيك بكون صححتلك تحياتي زميل يمكن ؟ بالوطن العربجي