دلبة كبيرة معرمي بوجه السمـا
غناني النهورا مقندلي بوراقهــا
لطيور ضيعتنا الغناني بتلهمــا
ولقلوبنا إيمانــها و إشــراقها
* * *
عصافيرها مع طلة الصحو الحلو
لحن المحبــة والوفــا بيرتلو
لو طلعوا عيونك عجيبة بينزلـو
دنية سحر ع العين صعب فراقها
* * *
أغصانها من بعيد تهتف مرحبـا
لضيوفها وبتميل مع ريح الصـبا
ومن كتر ما مر الليالي عذبــا
أضلاعها انحنيت على عشاقهــا
* * *
يا دلبة الضيعة العظيمة عرمي
شاب الزمان حرام إنت تهـرمي
أرواحنا متل الفراش محومـي
حني عليها وخففي أشواقهـــا
* * *
من ألف جيل سمعت: في شاعر حكي:
عن روح عاشق خالدة صارت لكي
ولما النجــــوم تشوفك يهزا البكي
وحب الندي بيهر من احـــداقها
يسعد مساكي ياشام