طفل بريء
_ شبك ليش هيك مكركب ..
_ابني الصغير  ..
_شبو ..
_ كل مرة هيك بيسألني سؤال..بزلزلي كيان وما بعود بعرف نام ..
_يا لطيف وشو بيسألك لحتى ما تقدر تنام ؟
_بكون راجع عالبيت من الشغل الغربيات..بيركد عليي وبنط عضهري وبحملو..صغير ولد  ..
_اي عادي  ..
_ما بشوفو الا حملتو هيك وحطيتو عكتافي..كل يوم وبيسألني هيداك السؤال..بكركبني فوئاني تحتاني ..
_اي طفل صغير وبدويلعب خليه ينط ويسأل..اي شو بدها تخرب الدنيي يعني..
_مو ئصة تخرب ولا ما تخرب..الئصة اني انا عما اخرب..انا ما عما اعرف جاوبو..اعم اصغر بعيونو يا رجل ..
_أووووف..يعني شو رح يكون هالسؤال السألك ياه  ..
_يا سيدي مرة بيسألني..كيفك؟؟
_اي إلو كييفك..
_لك شلون بدي إلو كيفني..ليش انا بعرف كيفني..
_اي
_ويوم بيسألني ..متدايئ من شي؟
_اي إلو اذا كنت متدايئ ولا لأ..
_ويوم بيسألني جبتلي معك شي ؟؟
ويوم بئلي رح تشترلي كندرا؟
ويوم بئلي بدك تاخدني مشوار؟بدك تبعتني عالمدرسي؟ ولا بدك تطالعني متل اخواتي؟
إيمتا بدها تخلص الحرب بابا؟؟
يعني ايمتا رح ترتفع الليرة؟
رح يكفيك راتبك لآخر الشهر؟؟
ما بدك تشتريلا فستان لأمي؟ وجرابات أخواتي مبخوشين ما بدك تجبلن غيرهن؟؟
وايمتا رح ننتصر على هالعدو؟؟
ورح تضل اميركا مسيطرة عالمنطقة؟؟
وولاد المسؤولين رح يضلو هني السطلة التالتي؟؟
والجامعة العربية رح تضل تشجب وتندد؟؟
والمواطنين رح يضلو مفعوسين تحت الرجلين؟؟
والقضااااء..القضاء ايمتا رح يصير عادل؟؟
والثروات الوطنية رح تضل مو للمواطنين؟؟
والانتهازيين رح يضلو عم ياكلو البيضة والتأشيري؟؟
والعاطلين عن العمل رح يلائو شغل لما لأا؟؟
والمعامل لأيمتا رح تضل خرباني؟؟
والانتاج المحلي رح يضل علكي وبسكوت ومنظفات وورق تواليت؟؟
والحريات والديمقراطيات وحقوق الانسان وكرامة المواطن وهدر المياه والغلا والكهربا وتحسين المستشفيات والفواكي والخضرة يلي عم تنكب ونستورد غيرها من الدول التانية والهرمونات بالجاج وتبييض الأموال والجمارك والمدارس والرقابي والأدوية والفساد ..
هاد السؤال كل يوم بيسألني ياه
_هلئ هاد السؤال.. ابنك الصغير بيسألك ياه  ؟؟
_اي نعم يا سيدي ابني كل يوم بيسألني ياه ..
_اي وشو عليي.. طفل بريء  ..بدو يسأل..
((ما رح تزبط معك...ترا را را))
((ما في حدا يسمعك ..را را..را را))
((لا يصح إلا..إلا الصحيح))
((هيك بئول المتل..خلي عندك أمل))
At the end everything will be OK..
If it's not OK..
So...it's not the end.
"Sa'do I Trust In U"
It's Kind Of Revolution
A m a r t a
|