[أم الجود]

أي دمعة حزن لا

-1974-
كلمات : محمد حمزة
ألحان : بليغ حمدي

أي دمعة حزن لا لا لا لا
أي جرح في قلبي لا لا لا لا
أي لحظة حيرة لا لا لا لا لا لا
حتى نار الغيرة لا لا لا لا لا
عايشين سنين أحلام .. دايبين في أحلى كلام
لا عرفنا لحظة ندم .. ولا خوف من الأيام

قلبي دق دق دق .. قلت مين عالبيبان دق ؟
قاللي إفتح .. ده الزمان .. قلتله يا قلبي لأ ..
جاي ليه يا زمان ؟! بعد إيه يا زمان ؟!
من كام سنة قلبي و أنا عايشين هنا .. من كام سنة
من كام سنة دنيا الهنا بتضمنا .. من كام سنة
وقال ايه جاي الزمان يداوينا !
من ايه جاي يا زمان تداوينا ؟!
ده الأمل في عنينا.. والفرح حوالينا
سأل الزمان و قال : ايه غير الأحوال ؟!
قلناله حبينا .. حبينا .. حبينا
و ارتحنا و نسينا .. ارتحنا و نسينا
ده احنا حبينا .. اه حبينا
و ارتحنا و نسينا .. اه و نسينا
الجرح بتاع زمان


احنا احنا احنا .. اللي آمنا للزمان احنا
و احنا احنا احنا .. اللي خد منا منا منا الأمان و جرحنا
احنا احنا احنا .. اللي طاوعناه احنا وعمره في يوم ما ريحنا
ولا ملامة علينا لا ملامة .. ده احنا تعبنا و دبنا ياما
واما نادينا عليه يداوينا .. عمره ما فكر في يوم يجينا
وأدينا عايشين .. و بقينا عاشقين
لا جراح في قلوب .. و لا دمع حزين
ولما دق الحب بابنا ..الربيع نور شبابنا

وقال ايه جاي الزمان يداوينا !
من ايه جاي يا زمان تداوينا ؟!
ده الأمل في عنينا .. والفرح حوالينا
سأل الزمان و قال : ايه غير الأحوال ؟!
قلناله حبينا ..حبينا .. حبينا
وارتحنا و نسينا .. ارتحنا و نسينا
ده احنا حبينا .. اه حبينا
و ارتحنا و نسينا .. اه و نسينا
الجرح بتاع زمان


وفي ليلة مش ناسيها سهران الفرح فيها
جاني الزمان و معاه هدية فرحت بيها
حبيبي الأولاني ..!

سافرت كتير معاه .. كتير كتير معاه
بأحلامي في هواه .. كتير كتير معاه
سقيته من حناني .. و بنيت معاه أماني
وقلت : يا ريت يا دنيا تديني عمر تاني !

و صحيت على العذاب .. لقيت الفرح غاب
والحب يا عيني داب .. أتاري الزمن كداب
و قدرت يا زمان ... في رحلة النسيان
أنسى اللي كان و ارتاح و ابعد عن الأحزان

شوف يا قلبي شوف .. شوف يا قلبي شوف
شوف الدنيا يا قلبي ..حلوة .. حلوة
حلوة حلوة إزاي بالحب .. بالحب يا قلبي
عمرك شفت قمر سهران غير للعشاق ؟!
ولا نجمة جايبة كلام غير للمشتاق ؟!
كل العاشقين زينا عايشين
لا جراح في قلوب .. و لا دمع حزين

وقال ايه .. جاي الزمان يداوينا !
من ايه جاي يا زمان تداوينا ؟!
دة الأمل في عنينا .. والفرح حوالينا
سأل الزمان و قال : ايه غير الأحوال ؟!
قلناله حبينا .. حبينا .. حبينا
و ارتحنا و نسينا .. ارتحنا و نسينا
ده احنا حبينا .. اه حبينا
و ارتحنا و نسينا .. اه و نسينا
الجرح بتاع زمان

أي دمـعة حزن لا