اقتباس:
كاتب النص الأصلي : VivaSyria
يا أخي بتعرف شو المشكلة... انو شوية تغيير بس يا عمي... مو معقول شال وزير الدفاع حط نائبو وشال رئيس الاركان حط نائبو وشال وزير الداخلية حط بدالو رئيس فرع مخابرات...
يعني بس غير شوي هالشخصيات على امل تغيير بالتطبيق على الارض.. وقت تجي مثلاً تشيل وزير الداخلية وتحط رئيس فرع مخابرات محلو شو المفصود؟؟ انو حتى أجهزة وزارة الداخلية عم تخولها لاجهزة مخابراتية بحكم رأسها شخص أساليبو مخابراتية؟؟
بكل الارض صار وزير الداخلية تحديداً وببعض الاحيان الدفاع بيختاروه شخص مدني حقوقي للحفاظ على حقوق الشعب الا عنا كل مايشيلو واحد بيجيبو واحد ثقافتو امنية اكتر...
|
متل ما قالت سونا, نفسها مسرحية ضيعة تشرين عم تتكرر
التغيير على الارض بدو وزير داخلية يكون عندو صلاحيات معروفة, ويكون متل ما قلت شخصية مدنية مو ضابط مخابرات مقضي عمرو بالتحقيق والتعذيب و امتهان حقوق البشر
بس المشكلة قبل شخصية الوزير نفسو انو الوزير ما الو صلاحيات, وكل الاجهزة الامنية اللي عم تسرح وتمرح بالبلد ما الو اي كلمة عليها , من فترة انحط خبر عن طالبة جامعية مريضة نفسيا اعتقلوها ولما راحوا اهلها يسالو وزارة الداخلية قالولن نحني ما دخلنا روحوا شوفوا الفرع اللي اعتقلها.
وهالشي نفسو بينطبق على منصب وزير الدفاع, يعني مصطفى طلاس ضل من 1971 ل 2005 وزير الدفاع شو كان دورو, شو عمل للجيش والمؤسسة العسكرية؟؟ ولا شي غير انو كان يوقع على قرارات الاعدامات اللي كانت تصير بسجن تدمر ويكتب قصائد غزل.
على كل انا بشوف انو لما بعينو اي ضابط امن بمرتبة وزير فهالشي تكسير الو ومتل يعني خطوة شرفية تمهيدا لاحالتو على التقاعد, لانو بهالبلد المساعد بالامن اهم من الوزير.