اقتباس:
كاتب النص الأصلي : Sarita
الي سؤال اب طوني
انو مدوني اخوية ع شو بيقتصر التدوين تعولون؟
ع خواطر اما مختارات من كتاباتون
لانو جايي ع بالي الّف رواية
وكمان في الي مشكلة بالاسم ما بعرف شو بدي اختار اسم 
|
القاعدة الماسية بعالم التدوين انه مافي قواعد للتدوين
مدونات الأخوية ما بتحمل ايا طابع معين وما الها اي توجهات بحكم أنها مدونات شخصية وتجاوزا سميناها مدونات أخوية على اعتبار انه اصحابها أعضاء بالاخوية بس هلشي ما بيعني ابدا انه في توجه معين
فاللي بدك ياه واللي بتحبي تكتبيه بكون هوي الشي "الصح" اللي لازم تكتبيه
فاذا على بالك تاليف الروايات بكون شي كتير عظيم انك تكوني من القلائل اللي بيكتبوا بشكل متتابع داخل مدوناتن
مشان الأسم عيفيا على الله
طلع علي صيت "النقاق" لان كلما شوف واحد اسئله على شو بدك سمي مدونتي
عمليلك كاسة شاي تقيل "أو عرق اذا ما عندك مشكلة مع الكحول" ومخمخي وشوفي اللي بده يطلع معك
وبكل الأحوال الاسم امتى ما حبيتي تغيريه بيتغير
اذا عملتي مدونتك فوتي على هاد الموقع
http://www.almudawen.net/
هاد تجمع للتدوين السوري سجلي مدونتك فيه لأن أغلبية الزوار بيجيوا من هاد الموقع
وبنفس الوقت تصفحي مدونات البقية وأعطي رأيك الصريح بالشي المكتوب فيها
هلشي بيعمل شعبية كتير كبيرة لمدونتك وبعرّف العالم عليها بشكل كتير حلو
اي شي ممكن اخدمك فيه لا تترددي بالسؤال
ومبروكة المدونة ..
اقتباس:
كاتب النص الأصلي : satoman
لا وسعدو كفو ياأبو طوني كفو
|
لا تقول فول ليصير بالمدري وين
اقتباس:
كاتب النص الأصلي : Nay
لازم يصير جدي اكتر مو هيك.. لازم يصير دعم لبعض أقوى من هيك.. ويصير لدعم بطريقة مدروسة وممنهجة..لأنو بس اللي بيعرفو بعض هنن اللي بيدعمو بعض يعني اذا ما كنت رفيقي ما بتحط مدونتي عندك بالقايمة
شكراً ما بعرف ..يمكن انت شفت مدونة زوجي طالب ابراهيم واللي كتير بحاجة لتزبيط تقني
اما انا فقريبا جدا
اي هي الطريقة ممتازة وافضل من السؤال والجواب وكل درس منسألك عليه لوحدو
وانا كمان بشكر التثبيت
|
بيني وبين هيك حلو الجو الحالي وشخصيا بشوفه بمثالي انه كل واحد بعبر بصفحته عن الشي اللي بيخطرله بصفة فردية .. يعني موضوع فردي بحت ما فيه موانات وما فيه خطوط عريضة
قصص الدعم والمشاركة حسيت فيها بأكتر من مرة خصوصا أول ما فتت على التدوين وقت ما كان حدا يحطلي تعليق على كتاباتي غير شيخنا ياسين
لهيك ضفت هلق هاموشاية بالخط العريض لأخير الرد
بصراحة ما عندي ذاكرة قوية بخصوص الاشخاص والاسماء بس على الاغلب فايت على صفحته وقاري شي من كتاباته لأن هاد الاسم ابدا مو غريب عني .. تحياتي الك واله
وبرجع بعرض خدمتي لأي شي تقني انا مستعد ساعد بالحلول
اقتباس:
كاتب النص الأصلي : i m sam
السؤال رقم واحد:
كيف بدي اعملها هي انو المدونة مابعرف شو بتتسمى بس انو يكون الرابط باسم مدونتي مو تابع للبلوغ سبوت " متل تبع الحج ياسين يعني " ولمين بدي ادفع وكيف ؟؟ هات مما عندك |
بعد ما بتفوت على موقع البلوغر blogger.com
فوت على
اعدادات --- النشر
بطلع بوجك الصفحة هي
متل مانك شايف بالصورة في شي بأول سطر موجود
" تبديل إلى مجال مخصص"
بتنقر عليها بتصل لصفحة اللي بتنقي فيها اللينك اللي بدك تشتريه + بتنقي اللاحقة اللي بدك ياها
net , org, com , info , biz
وبعدها في صندوق بجانب محل اللينك اللي انت اخترته مشان التأكد من امكانية حجز اللينك هاد الك وانه مافي من قبل شخص تاني على الانترنت سبقك وحجزه
من بعد هي الخطوة علمية الشراء روتينية كأي سلعة على النت ، وطبعا القصة كلها بتصير عن طريق الغوغل نفسه
الكلفة 10 دولار أميركي = 500 ليرة سورية لمدة سنة كاملة مدفوعة لمرة واحدة فقط
مشكلة الشراء بتتمحور بتأمين بطاقة الفيزا أو بطاقة المساتر اللي بدك تدفع عن طريقا
انا وقت اشتريت التجأت للمحروسة اختي ببلاد المهجر وشحدنا منها الـ 10 دولار
بس عم يقولوا الشباب انه في بطاقة اسمها كاش-يو cash-u موجودة بسوريا بتقدر عن طريقا تشتري أشيا على النت بدك تشوف أحمد المنسق عنده خبره بهي القصة بالتحديد
انا بعرف أكتر من شخص عنا بالبلد صايرة شغلته هلقصص ( حجز مساحات - شراد لينكات - شراء بضائع ) عن طريق النت ، بحبش علين حوليك الا ما يلتقى واحد منن
هاموشاية اقتراح صغير للكل
انه وقت واحد بيعمل مدونة أو بحط سؤال بخصوص مدونته
خليه يحطلنا رابط المدونة تبعه
اللي بده يقول دعاية خليه يقول.. المهم نقدر نتواصل مع البقية ونشارك البعض بالتدوين
وبنفس الوقت نكون على اطلاع على مدونات البقية ونشارك بتشجيع الآخرين على الكتابة عن طريق كتابة آرائنا الموضوعية