اقتباس:
كاتب النص الأصلي : kosayka2
طيب مرحبا معلم
بدي اسألك انا فيني انو حط الرسائل على مختصر ؟؟؟؟
يعني بالمدونة ما تتطلع الرسالة كاملة
و لكن يطلع أول كم سطر منها
فشو ............. فيني
؟؟؟؟؟؟؟؟؟؟؟؟؟؟
---------------------------------------------------------------------------------
على الهامش
شو ترفعت على الرابعة ؟؟؟؟؟
|
القصة انه الوورد بريس بيدعم مباشرة هلطريقة وهلفكرة بينما البلوغ سبوت ما بيدعما
بس شفتلك طريقة بتعمل نفس النتيجة اذا طبقتا بحرفيتها .
بعرفك فهلوي وبتلقطا على الطاير لهيك طير عل موقع هاد
Add read more to blogger
( لا تحسي اني سبحتك لانه عندي درس .. اعوذ بالله
)
ملخص الفكرة انك بتضيف كود معين على القالب
وبتروج بعدها على الاعدادات بتغير بقالب الرسالة ( في مربع خاص بهلشي بئلك شو بدك دائما يظهر عندك وقت بدك تبلش تأنشأ رسالة جديدة ) بتضيف هنيك جزء تاني من الكود
بتصير كل تدوينة جديدة بدك تنزلها بتحط جزء منها بمطرح مخصص من الكود نفسه والباقي بتلحشه بالمقطع التاني
اذا ما فهمت على الموقع خبرني لحطلك صور كيف بتعمل هلشي
اي ترفعت معنويا .. لسع ما طلع ولا نتيجة ( وانت ادرى واعلم بوضع النتائج عنا ) بس مافي علي خوف طلعنا وسعدو طالعنا معه
اقتباس:
كاتب النص الأصلي : ..AHMAD
هي حسب الستايل .. بدك تدور على ستايلات بتدعم هالشي .. ويمكن صعب شوي عالبلوغ سبوت .. عالوورد برس في كتير ستايلات بتساوي هالشي .. وحتى انو في خيار من لوحة التحكم بتقدر تحدد عدد الحروف كحد اقصى يطلعو بالصفحة الأساسية ..
منحاول ندورلك عشي ستايل بالبلوغ سبوت .. هالكم يوم
اكيد لغابي هي |
كمان الحل بالتسايل .. بس عود لاقي ستايل بيزبط شكله معك وفيه بنفس الوقت هلشغلة هي
لا تقلي انت مشان هلشغلة رحت على الوورد بريس
اقتباس:
كاتب النص الأصلي : قرصان الأدرياتيك
مسا الخير...
يعني فعلاً عمل جبّار ورائع ومفيد وبيستاهل التثبيت الدائم لكترة منافعو!
ومن ثمّ اعذرني إذا ما تابعت كل شي من الأول وما قريت كل شي لأن عيوني فاتوا ببعض حالياً ورح أرجعلو على ميت مهلي لأنو بيهمني كتير بسبب المشاكل اللي عم نتعرضلها...
بس إذا بتسمحلي عندي سؤال: كل ما جلّس القالب يميني بيصير يساري، وحياة الحياة ماني لا يمين ولا يسار بس يا أخي اللغة العربيّة بتقتضي قالب يميني ومتطرف كمان! فشو بتنصحنا خال كونك خال صغنون؟!
.
|
اهلين بالقرصانيتو
خيو قالبك انت بالذات المستعمل بمدونتك المشتركة ( مو الرابطة يعني ) هوي قالب كلاسيكي تقليدي جاية من البوغ سبوت نفسه فجاية مخصص للإنكليزي بشكل أساسي كقوائم وكمحاذاة النص حتى
فالتعديل اللي لازم ينعمل بكون على الـ html نفسه من بعد ما ترفع القالب على مدونتك
القصة شوي عويصة لان لازم اتضيف كودات متل متل وتعدل بكودات تانية
اوقات بكون عندك مكتوب
وأوقات بتكون ما مكتوبة بالاصل مطلوب منك انت اتضيفها بالأماكن اللي لازم تنضاف عندك
وتعدلها لتصير بهاد الشكل
وبمحلات تانية لازم ما تغير فيها شي
يعني القصة مانها ثابتة أبدا ومالها قاعدة انك بتعمل 1 2 3
لكل قالب وفي اله شي خاص فيه .. اكتر ما هنالك بقلك نزل القالب كاملاً عندك وانسفلي .. قصدي ابعتلي
ياه لعدلك فيك وارجع اعطيك ياه لتحطه بمدونتك
هاموش : ليش ما بتغير قالب مدونتك الاصلي ؟ وليش بالأصل ما عم تكتب بالمدونة