اقتباس:
كاتب النص الأصلي : suryoyo
ابو طوني ...
اخيرا رقت و مخمخت مشان احط لك كم سؤال من ابو سارة ... بقا اعذرنا ع التأخير  |
انه ضروري واحد يمخمخ وقت بده يقليني
يا اخي قليني هيك بالعبطة شي ما اتوجع كتير ضروري تسلقني سلق من كل اطرافي
اقتباس:
اخوية اللي يجذبك فيها :
1. موقع يساري
2. موقع لاديني
3. موقع شامل للجميع
4. موقع حر
5. موقع لمثقفين معينين بالعالم العربي
|
3. موقع شامل للجميع
اجت فترة ترك قسم كبير من الأعضاء اللي ما بيتفقوا معي بنفس الرأي بأي شي
حسيت انه الاخوية نامتلها شوي وما عاد فيها نقاش لوقت ما رجع اجا دفعة جديدة فيها من كل الألوان لمشي حالنا من أول لجديد
اقتباس:
ما أثر ----- على فكر ابو طوني
1. العائلة
2. الاصدقاء
3 الوسط الاجتماعي
4. المدرسة
5. الجامعة
6. سواق السرافيس
|
كلشي بأثر يا زلمة ما معقول اختار وحدة على حساب البقية
بس بتخيل المدرسة الها التأثير الأكبر .. هيك بتخيل
اقتباس:
|
اذا في يوم من الايام غيرت قناعاتك 180 درجة .. هل رح تحاول تغير قناعات اولادك اللي فرضا تكونت على اثر قناعاتك الحالية
|
كأساس قناعات ومبادئ ما بعتقد رح اترك لولادي لحالن بلا ما كون أنا الموجه لأفكارن
فطبيعي بالبداية يطلعوا مشابهين الي من ناحية التفكير وما بعتقد في عندي مشكلة اذا طلعوا عكسي مع الايام
بس كبدايات أكيد ما رح اتركن ليضرب الهوا فين يمين يسار ويضيعوا اكيد رح كون جنبن ووجهن واعطين الشي اللي بقدر اعطين ياه .
اقتباس:
تفضل العمل الاكاديمي او العمل الصناعي ؟
|
العمل الأكاديمي بالنسبة الي هوي الانسب
وقت كنت طالب بالمدرسة كنت بكل فصل صيف باشر بالعمل وانزل على الشغل
العمل الصناعي مرهق بشكل كبير ومافيه مجال للإبداع ولحتى اتطور حالك بشكل كبير
وانا من الناس اللي بس ما انحدوا بشي بموتوا
اقتباس:
سؤال مشابه بالمعنى بس شوي مختلف ..
تعتقد منو اكثر اهمية عمليا و بالشرق الأوسط.. الاساتذة أصحاب الشهادات العليا او العاملين بالمجال الصناعي ؟
|
في ظل الاساتذة الجهابذة اللي عنا وبطريقة تعاملن مع الحياة والعلوم ... بحترم أصحاب المجال الصناعي اكتر
مع أن الاساتذة والمثقفين هنن اللي قادرين على تطوير البلد .. بس لا حياة لمن تنادي .
اقتباس:
|
ابو طوني نقدر نقول انت مشيت على دورة حياة اي شاب طموح .. حلم بتغيير العالم بعدين حلم يغير الاهل بعدين حلم انو ما يتغير شخصيا ...
|
ما كان تغيير العالم حلم خاص فيني وبولا يوم من الأيام .. ما وصلت بحاتي لهال مستوى من السذاجة
بس غيير المحيط والمجتمع بالنسبة الي حلمي الحالي ولسع ما تخليت عنه
وفي شوية عوامل بالحياة عم تساعدني على تحقيق هلشي أهمها المنظمة التطوعية اللي منتسب الها .. بتفتحلي أبواب كتير كبيرة ... مع الأيام متوقع اني رح اقدر باشر بتغيير شي ملموس .. او هيك بحلم على القليلة .
اقتباس:
تتمنى يرجع الزمن 10 سنين ... و متندم على شي ما عملتو ؟
|
ماني ندمان على اي قرار اتخذته بحياتي وأي تصرف عملته مع أي انسان كان
بنام طول عمري على المخدة وانا ضميري مرتاح
حتى هون في صفحات
اقتباس:
Part II
الرسم القديم او الحديث ؟
|
القديم بيستهوييني بطرقة غريبة وبيجذبني دائما اله فأكيد القديم هوي اللي بيعجبني
اقتباس:
|
الخيال العلمي او افلام اجتماعية
|
الخيال العلمي لا تقربها علي .. حطلي x كبيرة عليها
كتير بحب صوت الالتريك ( الغيتار الكهربائي يعني ) وقت بيدخل بكونشيرتوا او بيدخل بشي غنية كلاسيك مع صوت الفيولون وصوت البيانو
بس قلال كتير الاغاني اللي بيعتمدوا هاد النمط لأن أغلبية العالم ما بتسمع هيك شي وبتعتبره تخبيص
اقتباس:
|
اكثر موسيقى شرقية و احلى مطرب الك
|
صوت العود والقانون بخليني سلطن نظامي ( صير سلطان زماني )
اكتر "مطرب" بحبه من ناحية الطرب وهلقصص هوي ملحم بركات وصباح فخري
خلينا على الطرب .، الغناء في ألوان خاصة جدا بتعجبني ومو شرط أبدا تكون اغاني نمطية
العزف
فتحتلي جروحاتي
بزمناتي دخلت بمعهد موسيقى للعزف على الكمان
بقيت فيه شي 3 سنين او اربع سنين ماني متذكر بالضبط
بس كملت لأن ما عاد حس انه في شي بيستهويني وبشدني بهلمجال
اقتباس:
ملاحظة .. الاجابة على كل الاسئلة على ان يكون السؤال العاشر من ضمنها
مع تمنياتي لكم بالنجاح 
|
آخر جملة بتذكرني بورقة الامتحان
بكون الدكتور حاطتلك اسئلة جايب اجلك فيها
وبالأخير بيكتبلك مع تمنياتي بالنجاح
بمرة من المرات كنت معصب من الاسئلة وماني منتبه انه الدكتور واقف وراي
قلتلن لرفقاتي " بفرض مرة يكتبلننا بالاخير من طي** رح تنجحوا
"