لمدير المدينة الجامعية بجامعة تشرين (السيد المبجل المحترم الدكتور مياس ريا)
ليك يا غالي دكتور على عيني وراسي
انت مسؤل بكل معنى كلمة مسؤل
عندك بالسكن الجامعي حاليا ما يقارب 1000 شاب وشابة من يلي ملزمين بالمعسكرات الانتاجية وانا منون
مبارح يلي صار غير مقبول ابدا ومش اول مرة بتصير
مطر وعواصف غير متوقعة على عيني وراسي انما انت بتعرف انو في خلل بشبكة الكهربا عندك بالوحدات وهيدا الشي صار من فترة وبالتحديد يوم حفلة مارسيل خليفة باللاذقية وكانت احدى وحدات البنات مهددة بالاخلاء بعز العواصف والشتي
ليش مبارح صار هيك وليش ضربت الكهربا وماعاد قدرتو طفيتوها
وليش كان شب مات بين اديكون وما قدرتو جبتولو الاسعاف
وليش ليطلع معك بعدين انك تصرخ بوجه البنات (يلي كتير منون ما بحياتون نايمين برا بيتون) وتجي تقلون روحو انضبو بغرفكون ونضفوها قبل ما تجو تفزعو من الرعد والكهربا يلي عم تطلع شرار وبجوز تنفجر
اي معك حق
ليك ياغالي نحنا مضبوبين اكتر من اي واحد الله خلقو بعيلتك
اذا عندك مشاكل ما عم تقدر تحلا فالاحسن انك ترجع مدرس لانو المسؤلية مش بروظة وسكرتيرة اخر طرز
في ارواح انت مسؤل عنا
مابعرف شو بدي قلك بس فعلا اسفة انك قرف
ياوطني يسعد صباحك
متى الحزن يطلق سراحك
الابتسامة النبيلة هي التي تخرج من قلب يبكي هكذا انا قررت
((((*(*(*(*(*(*(*عصابة الملوك *)*)*)*)*)*)*) ))))
|