اقتباس:
كاتب النص الأصلي : Elephant And Castle
و كلمة مشان الموضوع ,,,ما كتير تقهر حالك عالجولان ,,,اولها و اخرها رح ترجع باتفاقية سلام ,,,يعني الجولان ما هي القدس ......
|
غلطان يا صديقي, الطرفين اللي عم يتفاوضوا على الجولان مو جاهزين لهيك اتفاقية لا بالماضي ولا هلق ولا بالحاضر.
من ال 1992 ولهلق نفس الشريط عم ينعاد, مفاوضات بعدين منسمع انو حلو 90 بالمية من الخلافات وانو باقي نكشة ليوصلوا للسلام المنشود, بعدين بتفرط القصة و بتتغير الحكومة باسرائيل و بترجع القصة بتنعاد من الاول .
استرجاع الجولان باتفاقية سلام بيتطلب تنازلات كتيرة من قبل النظام, لانو هو الطرف الاضعف و ما عندو شي يضغط في على اسرائيل و يخليها مضطرة لهيك سلام.
بعدين مجرد وجود سفارة اسرائيلية بالشام يعني عمليا نهاية شعارات الممانعة الفارغة اللي يبدو انها اخر ما في جعبة الشباب بعد الفشل الذريع بكل المجالات, وهالشي رح يقود لخلخلة كبيرة بالاوضاع الداخلية هدا عاد عن تخريب العلاقات مع ايران وحزب الله , يعني النظام رح يخسر من استعادة الجولان اكتر بكتير من اللي رح يربحو.
الخلاصة انو اللي عم يصير هو التفاوض من أجل التفاوض وبس , اما على الارض فالحقائق كل يوم عم تتغير قدام عيونا ونحني ساكتين.