الجرافيك و التصميم خطوة بخطوة
مرحبا شباب كيفكن اليوم
شو الأخبار
المهم .........
شفت بالمنتدى كتير طلبات من شان مواضيع التصميم و الفوتوشوب و الفيكتور قلت هات لبلش بدورة بسيطة و شاملة للفوتوشوب و شوية مهارات اساسية
و بعدين منصير نتوسع شوي شوي ........
طيب شو هوي التصميم ...... التصميم هو اي عمل منقوم فيه للخروج عن المألوف و التميز بشيء ملموس معين بغية لفت النظر و دغدغة الحواس
بما أنو نحن البشر فينا عواطف و عقل بيأثرو كل واحد عالتاني
طيب نحن هون بشو بدنا نشتغل؟......
اول شي رح نشوف عمنا الفوتوشوب شو عندو و بشو بيقدر يفيدنا و شو امكانياتو.....
الفوتوشوب برنامج شهير من شركة ادوبي و ما بدي خوض بتفاصيل نشأتو و نسخو لأنو الكل بيعرفها
طيب من وين فينا نجيب الفوتوشوب ..... بسوريا موجود بكل المحلات و بتراب المصاري و النسخة اللي رح نشتغل عليها هيي CS4 ME
اخر نسخة نزلت و من أروع النسخ اللي شفتا....
اها ........ بشو منستفيد من الفوتوشوب و شو هي امكانياتو؟
الفوتوشوب عالم قائم بحد ذاتو ما ألو حدو ثورة من الأبداع بتنعكس بالأخر على صورة عم نشتغل عليها و هو البرنامج الأم لمعظم برامج التصميم
و لا غنى عنو لأي مصمم و رح نستفيد منو بكتير شغلات منها تعديل صورنا الاخدينا و معالجتها لتظهر بشكل أحترافي
الوصول لتصاميم و حركات خارجة عن المألوف و ترميم الصور القديمة و تنقيح و شغلات و شغلات كل واحد بحسب مراقوا
طيب ليش ما نبدا !!
رح نبدا بس الشغلة بدها شوية صبر و ممارسة و هاد اهم شي الممارسة واللي ما بيشتغل عا حالو و بيصبرر ما رح يتعلم شي
المهم .... نصيحة طولو بالكن معي شوي شوي و شوفو كيف رح نتطور كلياتنا سوا بعالم التصميم و انا رح حاول ما قصر و اي استفسار انا جاهز و هالموضوع رح استمر فيه طالما انا قادر و بحسب الوقت و كل فترة رح نزل درس و عذروني اذا اصرت و انا بتقبل النقد بصدر رحب لاني كمان لسا ما وصلت لمرحلة المحترف بالفوتوشوب بالرغم من انومن اقدم صحابي
اول شي هاي واجهة البرنامج و في ملف مرفقو هوي شرح الفيديو للواجهة الرئيسية و أي أستفسار أنا جاهز و بتمنى تتفاعلو مع الدروس من شان
نوصل للبدنا الياه
منبدا ......
الواجهة
الدرس الجاي رح نزلو اول ما خلصو
سلام
نحن ننتظر الضياء و لكننا نرى الظلام
---------------------------------------------------------------
ذو العينين البراقتين ......... الذي يقرر المصائر .............
DaRkNeSs LoRd
Lord Of DarkneSs
Lord Of The Sweet Sadness
آخر تعديل ..AHMAD يوم 01/08/2009 في 23:00.
السبب: صغرنا قياس الصورة... وزبطنا الخط :)
|