طيب بما انو عم نتأمل بهالكون و بي الله و الحساب خلينا اقلك بعض التأملات و الخواطر و الأسئلة عزيزتي:
١- بما انو الله ارحم الراحمين و اعدل العادلين و من هالحكي الكتير ليش كل هالظلم بالدنية و لا عدالتو بس بيوم الحساب
٢-يعني بما انو الله نحن لا منفيدو و لا منضرو فلشو خلقنا من شان نعبدو (يعني اذا شخص مانو بحاجة شي لأشلو بالعبيد) ولا بدو يتسلى
٣-انت عم تسأليني اذا سألوني الملائكة و حاسبني الله طيب اذا شي طفل من أطفال افريقيا حاسب الله و قللو ليش خلقتني ببلاد المجاعة و التعتير شو بيقلو الله؟ خلص فوت عالجنة
٤-نفرض جدلا انت متتي و رحمك الله و فوتك عالجنة خالدة فيها ابدا طيب كل يوم شرب و اكل و بسط و حياة حلوة و بعدين
ما بدك تضوجي لما الجنة ما بينضاج منها ما بي اوربا في عالم عم تنتحر من كتر ما انو حياتها مثالية و فيها كل شي
٥-طيب اذا كنت انا زلمة ما في مني و حقوق العالم كلها محترمها و ما بكذب و ما بأذي حدا بس ما بأمن بي الله بفوت على النار لأني ما عبدتو
٦-اذا كان الله معنى فمين اللي علينا.
و في اسئلة كتيرة و تساؤلات و أخطاء علمية بس انا حبيت جيب دول بس جاوبيني عنن لشوف بدي اقتنع ولا لأ
و شكرا لأنك هكلاني هم أخرتي
