اقتباس:
كاتب النص الأصلي : jano.
طيب كبدائة -وبما انو وقتك ما بيسمحلك تسجّل بالكورسات الصباحية- بلش بشي كورس مسائي مهما كان مستواه، المهم تبلش اول خطوة. بتصور مهما كان مستوى الكورس سيء فيك انتا تستفاد منّو على قدر همتك واصرارك..
بلش كم شهر بأي بالكورس واتبع النصائح الي موجودة بهالموضوع، وبأيد فكرة الأفلام متل ما قال القرصان والتلفزيون بشكل عام...
فيك تبلش من هلا... استعمل index cards وحفظلك كم كلمة.. هيك بتفوت شوي بجو اللغة.
فيك كمان تسأل بحلب "إذا" في طلاب طليان جايين ليتعلمو عربي-بعرف بالشام في هيك شي-، اذا لقيت حدا فرح تستفاد كتير لما تعلمو عربي وهوي يعلمك ايطالي. بس طبعاً لازم وقتا يكون عندك اطلاع على اساسيات اللغة على الأقل. لتقدرو تتفاهمو..
المهم تبدأ أول خطوة... ومافي شي مستحيل
|
انه اول شي انا عملت كورس مبتدئ وعديته
بس المشكلة تكمن باسلوب التدريس
بالمعاهد الخاصة كتير قليل لحتى يجيبو مدرس لغته الام ايطالية
واسلوبن جدا قديم يعني طريقة التدريس مملة
ام بالجامعة او المراكز الثقافية فمدرس اي لغة بتكون هي لغته الام
بس المشكلة صباحية
فلازم انا ادرس لحالي
بس بدي اعرف الخطوات يعني لحتى ماضيع وقت بعدين اطلع من دون فايدة
عرفت علي كيف
