[mhsen77]

كاتب النص الأصلي : marochka

بدنا شوي نتفق على معاني الكلمات، يعني كلمة مقتنع بشي بتفرق كتير عن كلمة مؤمن بشي، يعني في كتير ناس مؤمنين بأشياء مع أنو بالعقل مانون مقتنعين فيها، القناعة بتستوجب التفكير والتحليل والتشكيك، بينما الإيمان بيجي هيك صبة باطون ما فيك تشكلا على كيفك، مشان هيك النقاش صعب سواء بين اتنين كل واحد عندو صبة باطون شكل، أو واحد صبة باطون وواحد عجينة عم يشكلا على كيفو

هيي فكرتي انو خلينا نقول في جزء على الاقل من ايماننا مقتنعين فيه بالعقل لكل شخص منا و من هالجزء لازم نبلش نوصل لصبة الباطون تبع الطرف التاني و شو ممكن توصلي من قناعاتك و تضيفيها لقناعات الطرف التاني

كاتب النص الأصلي : suryoyo

في ناس ... بالمفتوح تريد تسخر من كل الاديان باسم العلم و الدين و اذا حدا حكى كلمة عن معتقدو ... يطلع عنصري و عندو ميول تمييز و ميول كره على اساس الدين


شو اسم هيك ناس ؟؟؟

ما بعرف بس الاحسن تسكت عمل بقول \ ما ناقشت جاهل إلا و اعياني \
طلعو جهلة يمكن مو بالعلم بس اكيد بالزوق و التعامل

كاتب النص الأصلي : بنفسجة

متل ما بيحقلك تدعم حكيك بكلام لسياسي مشهور او فيلسوف زمان قديم او اله من اله الحب
من حق اي شخص يدعم حكيو باية قرانية او شي من الانجيل او من التوراة او من وين ما كان
اكيد هالشخص لو ما شايف انو هالحكي صحيح ومتاكد منو ما بيحكيه او بيستشهد فيه
وهي مسالة قناعات شخصية وما حدا عم يحول المنتدى لا لمنتدى ديني ولا حتى لمنتدى (ملحد)
هيدي ميزة المنتدى انو قادر يستوعب الكل والكل بيفكر انو قادر يطبع المنتدى بطباعو
بس المنتدى متنوع بتنوع الفكر والعقلية
وهاد شي كتير حلو ورائع
فليش نحنا بدنا نحلل لحالنا نحكي بالعلمانية واللادينية ونحرم على الاخر يحكي بالدين يلي هوو مقتنع فيه
شو رايكون نبطل نجرح ببعض كمتدينين من كل الاديان وكغير مقتنعين باي دين اخر
خلونا نقتنع ببعض كاناس النا الحق بالمعتقد والفكر والراي هيك كتير بيكون احسن من انو نتهم بعض ونقول هالحكي صحيح او مش صحيح

طيب اذا واحد ما بيأمن بالاصل بهالادلة يلي عم تعطيها كيف ممكن تناقشيه؟ لازم تناقشيه من افكارو يلي بيأمن فيها لحتى توصلي معو لفكرتك

انا معك 100% بالقسم التاني الملون