كل هالقصص اللي كل فترة منقراها بموقع شكل أو جريدة، بتدرج بخانة الدعاية والدعاية المضادة، في حتى محطات تلفزيون (طبعاً مو عالنايل سات ولا ع العرب سات) ما عندا شغلة إلا نقاشات بين أديانن مختلفة أو ملحدين ومتدينين، بس المشكلة أنو أغلبا مفبركة وموجهة ومقصود أنها توصل لفكرة معينة.
طريقة الطرح السابقة فيها تسطيح كبير للأمور، ليش دايماً بآخر كل قصة من هالنوع ، بيطلع الدين فجأة منتصر مع أنو بالواقع هي النقاشات بيطلع فيها كل واحد مقتنع أنو هو كان الصح، (حتى النقاشات اللي بعدا شغالة هون بأخوية بتدل على هالشي)
المشكلة أنو دايماً هدفنا أنو نغير الآخر، مو أنو نقبلو ونجرب نوصل لقواعد مشتركة للحياة تحفظ حقوق متساوية لكل واحد فينا شو ماكانت عقيدته. بس نبطل نحاول نثبت أنو عقيدتنا هي الصح منكون بلشنا نقبل الآخر، لأنو إذا عطينا صفة الصح لعقيدتنا، يعني حكماً عم نقول أنو باقي العقائد غلط.
مع أنو العقيدة هي طريق المفروض يوصلنا لمحل معين، يعني ممكن كل واحد يكون ماشي بطريق مختلف تماماً ويوصل لنفس المحل أو يوصل لغير محل هو حر، المهم أنو ما نحكم على حدا.
بس المشكلة أنو المؤسسات الدينية بتشتغل متل المؤسسات التجارية اللي هدفا تحافظ على زباينا ولذلك بتعتمد على نفس أسالييب ال Marketing اللي بيعتمدوها الشركات الكبيرة وحتى الأحزاب السياسية.
إبحث أنت عن المعرفة فالمعرفة لا تبحث عن أحد
Whether humanity will consciously follow the law of love, I do not know. But
that need not disturb me. The law will work just as the law of gravitation
works, whether we accept it or not
Ghandi
|