الموضوع: الالوان..
عرض مشاركة واحدة
قديم 26/08/2009   #29
شب و شيخ الشباب Nasserm
عضو
-- زعيـــــــم --
 
الصورة الرمزية لـ Nasserm
Nasserm is offline
 
نورنا ب:
Aug 2009
المطرح:
نقطة زرقاء باهتة
مشاركات:
998

افتراضي


طيب.. مساعدة.. هاد يا ستي.. لو ما كان كوكب الأرض حواليه غلاف جوي.. فـ بوقتها كانت السما معتمة ليل نهار.. لإنو وقت نطلع ع السماء (بحال انعدام الغلاف الجوي) خلال النهار رح نشوف الشمس نور ساطع بسبب دخول ضوءها لـ عيوننا.. بس بدون ما يتبعثر/يتبدد هالضو (التبعثر يعني سكاتيرينغ).. هادي يعني إنو الضو ما رح يجي من اتجاهات مختلفة لما ما يكون في جزيئات تقوم ببعثرتو.. وهيك بتكون السما سودا. هلق اللي منعرفو نحنا إنو الغلاف الجوي الأرضي بيحتوي جزيئات غازية وغبارية وقطرات صغيرة من المي.. وهيدول كلهن بيشتغلوا على تبديد ضو الشمس. فـ وقت يدخل ضوءُ الشمس للغلافَ الجوي بيصطدم بجزيئات هالغلاف، وباجتماع هالتبعثرات من كل الجزيئات والجسيمات بالغلاف الجوي بتبيّن السما مضواية والشمس مشرقة والعصافير تزقزق.. طيب هلق شو يعني؟.. يعني هيك عرفنا ليش السما مش معتمة.. بس نحنا منعرف إنو للضو ألوان مختلفة.. شي أزرق.. شي أصفر.. شي أحمر وشي بنفتحي.. قـ بيبقى السؤال: ليش السما الزرقا.. زرقا؟

ربما كان عدم الاتفاق أقصر مسافة بين فكرين. (جبران النبي)
  رد مع اقتباس
 
Page generated in 0.02876 seconds with 10 queries