[butterfly]

كاتب النص الأصلي : أم الجود

DAVIDOFF COOL WATER

أنو كنت بعرف كنت متأكدة انو في بيناتنا أشيا مشتركة .. ودور وحوص ولوص .. وما كنت اعرف
وراجع نفسي بهالحياة بالحياة السابقة
اكيد في بيناتنا شي مشترك وما كنت لاقيه ، وفجأة هيك انتي ومارقة وباخة الكول ووتر ( اللي هي البارفان اللي بحب استعملها للأيام العادية - حسيتا دعاية شغلة ما فيني قلكن شو - والرياضية .. والرحلات والمشاوير اللي سبور كتير ) .. عرفت .. عرفت أنو وين مارقة عليي من قبل
طلعنا منحب نفس البارفانات ..

أما بخصوص أمي تبخ منها هون جينا على موضوع حساس وحيوي ، نحنا بالبيت تلت بنات ( كنا ) قبل ما نتخلص من اختي ونجوزها .. المشكلة الأساسية .. أنو أمي أحلى من تنيناتنا وتجي تستعمل غراضك .. ويطلعو عليها احلى من عليكي والله موقف بايخ
لأ وتبخ بارفانتك كمان فلأ .. نحنا كل وحدة مننا كان تخبي بارفانتها بمحل ، بس إيام التشحيط المادي .. اضطر بالنهاية استعمل من عندن شو بدي ساوي

وبخصوص السكادا الخضرا .. هي أنا ما لحقتها مو ع جيلي على ما يبدو

بس هلأ هلأ إذا برجع لاقي الاسكادا سبورت الخضرا بشتريها عالحارك و ما بعود بحط غيرا

صدق الشاعر ..
نقّل فؤادك حيث شئت من الهوى .. ما الحب إلا للحبيب الأول