عرض مشاركة واحدة
قديم 07/10/2009   #1
صبيّة و ست الصبايا ALEPPO
مسجّل
-- اخ طازة --
 
الصورة الرمزية لـ ALEPPO
ALEPPO is offline
 
نورنا ب:
Oct 2009
مشاركات:
12

افتراضي فوتوا و شوفوا الشيطان شو عمبيعمل فيني


فوتوا و شوفوا شو عمبيعمل الشيطان فيني
دائما بيبعدني عن الناس الطيبين و بيقلي: هدول عالم مساكين و ما بيعرفوا كيف يعيشوا و ما في داعي اتخافي على زعلن لانن ناس قلبن صافي و بكلمتين حلوين بيرضوا وحتى لو زعلوا شو بدك فيهن بالناقص بس الشطارة انك تتعرفي على الخبيثين هدول غير شكل بيعرفوا كيف يعيشوا و يدبروا امورن و لازم تراعي مشاعرن كتير و يا ويلك اذا بتزعليهن
طبعا انا بصدقوا و بمشي وراه بس في النهاية باكلي شي 100 خازوق من واحد لعين

و اذا حاولت حقق شي هدف بقلي: ليش انتي مين مفكرة حالك ايه بقص ايدي اذا بتقدري تعملي شي

و اذا اصريت على تحقيق هدفي بقلي : ماشي اذا مصرة لهدرجة اعملي يلي بيرحك بس اذا بدك اطبقي المبادىء و الاخلاق و اتفكري حالك عايشة بالمدينة الفاضلة بعمرك ما بتوصلي
طبعا في البداية انا برفض كلامو و بعمل حالي شريفة بس عند اول مطب بركض لعندو و بقلوا : فعلا معك حق خلص رح صير طبق كلامك مية بالمية و بعدها بتبلش اموري كلها تتيسر و الدنيا ابتفتحلي كل ابوابها و بوصل للي بدي ياه بسرعة و سهولة
طبعا لسا ما بلحق افرح على حالي شوي الا و بوقع شك على راسي و كلشي بروح بشربة مي

واذا كنت شي يوم فاضية و ما عندي شي اعملوا ما بيترك سؤال سخيف و تافه الا و بيسألني ياه
مين اهم الرجل ولا المرأة؟ شو رأيك تكفري؟


و اذا شفت حدا مزنوق و بحاجة لمساعدة بيقلي : شو انسيتي لما وقعتي و احتجتي لمساعدة شلون ما حدا طلع بوجهك


و اذا زرت شي رفيقة بيقلي : شو هالزيارة المملة اكذبي شي كذبة سبي على حدا شي مسبة اعملي شي مشكلة خلي يكون في اكشن
  رد مع اقتباس
 
Page generated in 0.03239 seconds with 10 queries