اقتباس:
كاتب النص الأصلي : ayhamm26
اي كنت عم امزح خيو, هالشي اللي حكيتو واضح
شفلي بالله هالخبر
إحالة ناشط كردي رفضت ألمانيا منحه اللجوء إلى القضاء
كشف مصدر قانوني سوري النقاب عن أن السلطات السورية تعتزم تقديم الناشط السياسي الكردي خالد كنجو الذي سلمته السلطات الألمانية إلى سورية مطلع أيلول (سبتمبر) الماضي، إلى القضاء بتهمة نشر أخبار كاذبة من شأنها أن تضر بسمعة سورية.
وأوضح المصدر القانوني الذي تحدث لـ"قدس برس" وطلب الاحتفاظ باسمه أنهم كانوا بصدد الدخول إلى المحكمة للدفاع عن عضو المكتب السياسي لحزب "يكيتي" الكردي بسورية ابراهيم برو، وإذا بهم يفاجأوا بوجود خالد كنجو في المحكمة، وقال: "لقد منع علينا الحديث إليه ولكننا بدأنا في الاجراءات القانونية لتشكيل هيئة دفاع تنوب عنه في المحكمة".
وكانت منظمة العفو الدولية قد دعت الاسبوع الماضي السلطات السورية للكشف عن مصير خالد كنجو (31 عاماً) الذي قالت بأن جهاز أمن الدولة في مدينة القامشلي، الواقعة شمال شرق سورية، احتجزه في الثالث عشر من أيلول (سبتمبر) الماضي لمدة 12 يوماً إثر عودته الإجبارية إلى سورية في الأول من الشهر نفسه بعد رفض السلطات الألمانية طلبه اللجوء على أراضيها.
يعني رغم علم الحكومة الالمانية بانو رح يتعرض للتعذيب رجعوا لبلدو ليلاقي المصير المعروف, بالرغم من انن اعطوا اللجوء السياسي (او اللي بسموا اللحوء الانساني) لالاف العراقيين بالتسعينات بحجة انن رح يتعرضوا للتعذيب لو رجعوا لبلادن
يعني متل ما قلت قضية حقوق الانسان بتحركها المصلحة تبعن فقط لا غير, و مشان هيك هني ساقطين اخلاقيا و سياستن الخارجية كلها نفاق بنفاق.
ما شفت شلون رئيس سويسرا راح اعتذر من واحد مجرم متل القذافي بس لانو طبقوا القانون على ابنو الازعر متلو متل غيرو, و ما بتشوف الدول الاوربية اللي بتتسابق على احسن العلاقات مع دولة ال سعود و امثلة غيرها كتير...... |
أيهم لوسمحت معليش .. هلأ هاد الشخص خالد كنجو ما سمعت اسمو من قبل.. يعني الشخص مو ناشط
هلأ هوي طلع على المانيا من سبع سنين وطلب لجوء.. بس طلب اللجوء بناء على انو هوي شخص كردي مو بناء على انو وي الو نشاطات ولما طلع من سوريا ماكان شخص مهدد حياتو "الشرط الاساسي لقبول اللجوء بأوروبا"
وبدأ بالمشاركة بالمظاهرات لصالح الأكراد بالمانيا..
هلأ اللي بدي قولو انو في كتير كتير كتييييييييير اشخاص بيسافرو بشكل طبيعي وبدون ما يكونو ناشطين ببلدهون وهونيك بيطلبو لجوء.. مو لطلب اللجوء بحدد ذاتو انما للحصول على الحياة بأوروبا..
واوروبا ما الها مصلحة بالاحتفاظ فيهون.. وانا مع الاجراءات اللي عم تصير بالفترات الاخيرة والتشديد على مسألة منح اللجوء لمواطني العالم الثالث.. لأنو صار اللي بحياتو ما تم استدعائو او مسائلتو يدبر فيزا من هون ولا من هون ويشد على اوروبا ويطلب لجوء..