عرض مشاركة واحدة
قديم 12/10/2009   #15
شب و شيخ الشباب ayhamm26
عضو
-- زعيـــــــم --
 
الصورة الرمزية لـ ayhamm26
ayhamm26 is offline
 
نورنا ب:
Oct 2007
مشاركات:
1,200

افتراضي


اقتباس:
كاتب النص الأصلي : Nay عرض المشاركة
أيهم لوسمحت معليش .. هلأ هاد الشخص خالد كنجو ما سمعت اسمو من قبل.. يعني الشخص مو ناشط
هلأ هوي طلع على المانيا من سبع سنين وطلب لجوء.. بس طلب اللجوء بناء على انو هوي شخص كردي مو بناء على انو وي الو نشاطات ولما طلع من سوريا ماكان شخص مهدد حياتو "الشرط الاساسي لقبول اللجوء بأوروبا"
وبدأ بالمشاركة بالمظاهرات لصالح الأكراد بالمانيا..
هلأ اللي بدي قولو انو في كتير كتير كتييييييييير اشخاص بيسافرو بشكل طبيعي وبدون ما يكونو ناشطين ببلدهون وهونيك بيطلبو لجوء.. مو لطلب اللجوء بحدد ذاتو انما للحصول على الحياة بأوروبا..

..
ممكن كتير انو يكون مو ناشط ولا شي, متل ما قلتي عجبتو الحياة باوربا و حب يبقى باي شكل, بس السؤال هون انو ليش في كتير غيرو متلو و مع هيك ظبطت معن؟؟

بتعرفي مرة التقيت مع واحد عراقي واصل لصف الرابع الابتدائي, بلسانو قلو ياها, واجى على المانيا باواخر التسعينات و طلب لجوء سياسي ضربة وحدة, طبعا هني اكيد ما صدقوا بس بالنهاية عطوا لجوء انساني قال خوفا من تعرضوا للتعذيب في بلدو!!! و هدا متلو متايل عشرات الاف العراقيين بالمانيا وهولندا والدانمارك

هون بقى بتصير مسألة الازدواجية واضحة تماما, انو كانوا فاتحين باب اللجوء للعراقيين بعهد صدام لمصلح امريكية عليا, و الدول اللي ذكرتها فوق معروف انها ما بترفض طلب للامريكيين, علما انو العراق هلق صار العن بمية مرة من عراق صدام و المليشيات الطائفية الحاكمة اخترعت وسائل تعذيب العن من صدام بمية مرة و رغم هيك ما بقى في لجوء لاي عراقي ما عدا اعداد محدودة من المسيحيين.

اقتباس:
كاتب النص الأصلي : Nay عرض المشاركة
ما من حيث كلامكون عن حرص اوروبا على مصالحنا وحرياتنا فمنكون عم نحكي عن قصة مختلفة..
برأيي بأوروبا في أهمية كبيرة للرأي العام يلي هوي بيقرر تنائج الانتخابات هونيك وفي اخلاقيات سائدة ومبادئ بتهم الناس وهنن بيخافو من أي قرار ممكن يتخذوه ويأثر على الرأي العام عندون هاد من جهة ..
مظبوط في اهمية للرأي العام, بس غالبا الراي العام هنيك بهمو مصلحة الشعب قبل مصالح شعوب تانية, يعني بالنسبة للاوربي لو صار بالسعودية نظام منتخب و صار لتر البنزين ب 5 يورو ولا لو ضلوا ال سعود بالحكم و لتر البنزين ب 1 يورو أو أحسن؟؟

السياسيين باوربا هني عبارة عن ممثلين بارعين, اتقنوا فنون التلاعب بالراي العام و بتلاقين بيكذبوا علنا بكل شي وبيرجعوا بعد 4 سنين , موعد الانتخابات المقبلة بيكذبوا نفس الكذبة.

غيرهارد شرودر المستشار الالماني السابق قدر يغير مسار انتخابات 2002 بالمانيا بانو تبنى موقف صريح ضد حرب العراق و على اساس اتحدى الامريكيين, قبل سنة وباعتراف الجنرال الامريكي اللي قاد الحرب على العراق تبين انو المخابرات الالمانية اللي كان عم يشرف عليها احد مستشاري شرودر ووزير الخارجية الحالي شتاينماير هي اللي كانت تعطي احداثيات للطائرات الامريكية لتقصف بغداد عن طريق عملائها المنتشرين هنيك.



اقتباس:
كاتب النص الأصلي : Nay عرض المشاركة

من جهة تانية برأي الاوروبيين تحسين الاوضاع بالشرق الاوسط lمن الناحية الانسانية او الاقتصادية بيخلي التدفق البشري الهائل عليهون يخف وبالتالي اوضاعهون تتحسن..

وبالنهاية متل ما قلتو هوي البحث عن مصلحتهون الدرجة الاولى.. بس نحنا المطلوب مننا انو نشوف وين بتتلاقا مصلحتنا مع مصلحتهون ووين بتتعارض
هي ما بوافقك عليها, الاوربيين ما بيهمن من الشرق الاوسط الا اسرائيل و نفط رخيص و المشاريع اللي عم يستفيد منها اقتصادن بالتعاون مع الانظمة الحاكمة

هني صحيح بيبحثوا عن مصلحة المواطنين تبعن بالدرجة الاولى بس نحني مصلحتنا وين؟؟ ضايعة بين حكومات فاسدة ما بتهتم الا بمصالحها الخاصة فقط وبين الغربيين اللي طالما مصالحن محققة مع هدول فهني مو شايفينا ولا بهمن اصلا شو عم يصير فينا.

بتقدري تشرحيلي شو مستفيد المواطن السوري من اتفاقية الشراكة؟؟ شو رح تغير بواقعو؟؟ الطرف الوحيد من الجهة السورية اللي مستفيد هو النظام اللي بدو يتباهى برفع الحصار عنو و باعتراف اوربي بشرعيتو.

آخر تعديل ayhamm26 يوم 12/10/2009 في 16:29.
  رد مع اقتباس
 
Page generated in 0.03661 seconds with 10 queries