[Nay]

كاتب النص الأصلي : ayhamm26

ممكن كتير انو يكون مو ناشط ولا شي, متل ما قلتي عجبتو الحياة باوربا و حب يبقى باي شكل, بس السؤال هون انو ليش في كتير غيرو متلو و مع هيك ظبطت معن؟؟

بتعرفي مرة التقيت مع واحد عراقي واصل لصف الرابع الابتدائي, بلسانو قلو ياها, واجى على المانيا باواخر التسعينات و طلب لجوء سياسي ضربة وحدة, طبعا هني اكيد ما صدقوا بس بالنهاية عطوا لجوء انساني قال خوفا من تعرضوا للتعذيب في بلدو!!! و هدا متلو متايل عشرات الاف العراقيين بالمانيا وهولندا والدانمارك

هون بقى بتصير مسألة الازدواجية واضحة تماما, انو كانوا فاتحين باب اللجوء للعراقيين بعهد صدام لمصلح امريكية عليا, و الدول اللي ذكرتها فوق معروف انها ما بترفض طلب للامريكيين, علما انو العراق هلق صار العن بمية مرة من عراق صدام و المليشيات الطائفية الحاكمة اخترعت وسائل تعذيب العن من صدام بمية مرة و رغم هيك ما بقى في لجوء لاي عراقي ما عدا اعداد محدودة من المسيحيين.

ايهم معروف انو بالفترة الأخيرة صار في تشديد كتير على طلبات قبول اللجوء بأوروبا.. وانا شخصيا مع انو بوفقك الرأي بخصوص الازدواجية بس ما بقدر أحكم على تصرفاتون اسابقة متل ما بحكم على تصرفاتهون هلأ... لأنو الظرف تغيرت بالنسبة الهون.. وتعاملون مع قضايا اللاجئين بشكل عام اتغير مو بس بخصوص اللاجئين العراقيين..
ومعروف للمهتم البسيط انو الحصول على اللجوء بالتسعينيات كان اسهل من هلأ بكتير..



هي ما بوافقك عليها, الاوربيين ما بيهمن من الشرق الاوسط الا اسرائيل و نفط رخيص و المشاريع اللي عم يستفيد منها اقتصادن بالتعاون مع الانظمة الحاكمة

هني صحيح بيبحثوا عن مصلحة المواطنين تبعن بالدرجة الاولى بس نحني مصلحتنا وين؟؟ ضايعة بين حكومات فاسدة ما بتهتم الا بمصالحها الخاصة فقط وبين الغربيين اللي طالما مصالحن محققة مع هدول فهني مو شايفينا ولا بهمن اصلا شو عم يصير فينا.

بتقدري تشرحيلي شو مستفيد المواطن السوري من اتفاقية الشراكة؟؟ شو رح تغير بواقعو؟؟ الطرف الوحيد من الجهة السورية اللي مستفيد هو النظام اللي بدو يتباهى برفع الحصار عنو و باعتراف اوربي بشرعيتو.

شو بتفيدنا اتفاقية الشراكة ..ولا شي.. أكيد..
يمكن بتعطي مشروعية للنظام .. أكيد.. ومحاولة لتغطية العورات كمان أكيد..
مصلحتنا بتحريك قصة الاهتمام البسيط اللي عطتو هولندا لحقوق الانسان بسوريا.. والتركيز على اللي عم يصير هلأ وانو تحسين ظروف حقوق الانسان بسوريا لازم يكون قبل التوقيع على الاتفاق مو بعدو..
الك ايهم