اقتباس:
كاتب النص الأصلي : MadMax
لا أكيد كل الانواع لازم تكون موجودة و متاحة للكل ..
و كل واحد بيختار النوع يللي بناسبو ..
بكل دول العالم جمهور الأفلام النخبوية كتير صغير
و السينما بالعالم بشكل عام .. قائمة عالأفلام التجارية
و أكبر مثل هوليوود .. يللي بتنتج كل سنة مئات الأفلام التجارية .... بس ما بيمنع أنو كل سنة منشوف كم فيلم على مستوى عالي
و برأيي هالكم فيلم هدول قدرنا نحصل عليهون بفضل الأفلام التجارية التانية يللي عم تتولى تمويل هوليوود
|
صحيح.. هلأ مو منطقي انو بلد ما بتنتج غير فيلم او فيلمين بالسنة تعلهون أفلام نخبوية..و نخبوية مو على المستوى المطلوب كمان.. وبتنحصر بمخرج واحد.. ما حدا بيعرف اسمو من الناس اللي بالشارع..
وبالمفهوم العالمي للسينما ما في شي اسمو فيلم نخبوي.. فيك تقول فيلم نخبوي لما بيكون عم يسوق بأجواء تجريب و هي غالبا بتكون انتاج شخصي ومن قبل شباب وطلاب.. وما بيكون هدفها ربحي
اما الفيلم بأمريكا او بأوروبا اذا ما ربح مصاري ما بيكون اسمو فيلم ناجح..
لأنو عندون ما في شي اسمو نخبوي .. ومافي مسافة كبيرة بالثقافة بالشارع.. يعني أفلام متل
خريف نييويورك.. و محامي الشيطان.. والعراب ..
وأكتر من هيك أفلام متل السموراي الاخير.. و لورد اوف ذا رينغ.. لا تعتبر بامريكا أفلام نخبوية بينما عنا تعتبر هيك..