[أم الجود]

كاتب النص الأصلي : ابو نجبو

في شغلة عزيزتي أم الجود ...
لما بتقولي تكريس التعصّب العربي المسلم ...عمتخلطي الصالح بالطالح و شعبان بأكتوبر ..

معليش انا مابرضى انتهم بالتطرف و الغوغائية كرمال فتوى صميدعية من مخبول عايش بكهوف تورا بورا طالع فتوى...أو مجنون فجّر حالو ...أو شعب معاق جاهل مابيشوف أبعد من الشحّاطة اللي لابسها ...

لا أنا و لا أغلب المسلمين ... ببلدنا عالاقل...بيرضى انو تنهضم حقوق أهلنا و أخواتنا ...ولا انو ينسلب أصغر حقّ من حقوق المساواة بيناتنا ...

أما موضوع التطرف الديني..وليس الاسلامي و مسبباتو و أهدافو موضوع طويل و متشعّب لايسع المقام لمناقشتو حالياً....

تحيّة

ابو نجبو فهمتني غلط عيوني .. أنا ما اتهمت حدا لا عموماً ولا بشكل خاص .. و ما قصدت سيء لدين أو شعب
رأيي بالموضوع بيتلخص بالمقال اللي طرحته بمشاركتي الأولى :

كاتب النص الأصلي : أم الجود

قرار السويسريين عنصري ومتطرف، لكن..هل العنصرية حلال علينا وحرام عليهم؟ هل نحن أحرار في بلدنا نحرم ونمنع ونقصي ما شئنا، وهم مجبورون أن يحترمونا وديننا وقوانيننا؟

أنا مع الحرية الدينية للتعبير بس ما حدا على راسو ريشة .. يا الكل بيمنع يا الكل بيسمح ..
بخصوص التعصب كنت عم أحكي عن نقطة محددة و واضحة بس شكلك انته اجتزأت كلامي من دون ما تنتبه :
كان رأيي (رداً على فكرة سامر) انو لما منقول المقارنة مو واردة و منحرّم على غيرنا لأنن دول متقدمة و عندن حقوق إنسان و حرية التعبير و منحلل لحالنا لأننا مو هيك ، فهون منكون كرّسنا تخلّفنا عن هي الدول كنقطة إيجابية في صالحنا لأنو عطانا العذر و الحق يكون إلنا ببلادون امتيازات نحنا ما منعطيون نصا ببلادنا ...