اقتباس:
كاتب النص الأصلي : Elephant And Castle
مسا الخير ..
الطرف يلي لازم ياخد خطوات على ارض الواقع هي الأحزاب السياسية مو منظمات حقوق الأنسان ..بيكفي انو للمرة الأولى بتاريخ سوريا عم يصير في كشف للأنتهاكات يلي عم يتعرضلها السوري ..و اكتر من هيك المنظمات هي عم تأدي دور كبير بجمع الجهود للضغط لأيقاف الأنتهاكات ... طيب شو الدور يلي لازم يلعبوه اكتر من هيك ....انشاء جناح عسكري للمرصد السوري ....او وحدات تدخل سريع للجنة السورية ...........
|
المنظمات الحقوقية اللي عم تحكي عنها ( الشلة تبع حقوق الانسان من مرصد ورابطة والمنظمة الوطنية ) بيحملوا مهام بعتقد انت ادرى فيها .. شو أسهل مهمة بيعملوها .. الحكي ؟ ليكن الشباب مافي اظرف منن على كل حادثة اعتقال بتلاقين داحشين اسمن بالعراضة وبكل عرس بتلاقي حاجزين لحالن قرص
لك حتى بالحكي ما عم ينجحوا .. يعني قارن بين هلمنظمات التلاتة وبين مرصد نساء سوريا من ناحية الحملات والفعاليات
الأخير عامل اكتر من حملة جمع تواقيع ولأكتر من مناسبة فوت علموقع وشوف بعينك :
http://nesasy.org/
حملة لا لجرائم الشرف
حملة : قل لا للعنف ضد المرأة
حملة جنسيتي لي ولأطفالي
عدا مواكبته للأحداث السورية متل قانون الأحوال الشخصية الأخير وكتاباته الجرئية بهلخصوص
ففين الفعاليات اللي عم تطلع من جماعة حقوق الانسان والمراصد والمنظمات ؟ هات نورني عطيني كام وحدة لئلن للشباب .. ها .. عم تعملوا شي
هي اذا اعتبرنا انه وظيفتن بتقتصر على الحملات والتوعية .. لا عم يعملوا حملات ولا عم يعملوا توعية بشي
واذا كانت مقتنع بأنها عم تأدي دور ضغط كبير فينك تعطيني كمثال ثمرة وحدة من الضغط اللي عم يعملوه ؟
ما بعرف اذا التحركات السلمية الوطنية والانسانية متل التوعية وعملية لم التواقيع بتحتاج لجناح عسكري أو اذا كانت التحرك على أرض الواقع بيحتاج لوحدات تدخل سريعة !
اقتباس:
كاتب النص الأصلي : Elephant And Castle
كمان ....لازم نشكر المصطلح هاد " حقوق الأنسان " ..لأنو في كتيير من السوريين قررو انو يساهمو بالمنظمات هي ...لأنو ما كان عندون الرغبة للمشاركة السياسية الصريحة بأحزاب المعارضة ....كل واحد و الو سببو الخاص ......
|
اذا كان برأيك الهدف من التنظيمات الحقوقية المبنية على الاعلان العالمي لحقوق الانسان هو تشكيل بديل سياسي للنظام الحاكم ..فاسمحلي ئلك انك عم تخلط الحابل بالنابل ... ومكتر كمان بالخلط
اللي بدي قوله أنك راضي عن هلمنظمات لأنها عم تلعب 1% من الدور اللي يفترض تعمله .. واللي عم تعمله مقتصر فقط على الجانب السياسي مع الملاحظة أنها ما عم يطلع معها نتيجة .. وجوانب الرعاية الصحية والتعليمية وتأمين الحد الأدنى للحياة الانسانية كلها مجالات نايمة فيها مع سابق واصرار وتصميم لأنها اشياء بحاجة لحركة وتغيير وهنن جماعة منقين الاسهلن .. الحكي والبعبعة