[قرصان الأدرياتيك]

كاتب النص الأصلي : Abu ToNi

يعني ما بتخيل في اي احتمال بولا شكل من الأشكال انه يكون اللي هاجروا من الجزيرة أكثر عدديا من العالم اللي عاشوا بالمنطقة

خسارتنا هية هويتنا كشعب عاش بهلمنطقة وصرنا منسوبين ومشمولين ضمن الفكر العربي اللي تاريخيا يقال انه نشأ في البادية العربية ( شبه الجزيرة ) وبعتقد أنها مو بس خسارة .. جريمة بحق التاريخ وبحقنا كسوريين اننا نتطبع بهلطابع هاد ونفقد الخصوصية اللي كنا منتحلى فيها قبل ما ننزل بهلسلة هي .

ميت هلا فيك وبرجعتك، نورت .
حبيت بس علّق على كام كلمة، هجرات العرب للهلال الخصيب تمّت بفترات زمنيّة متفاوتة، أقدمها هجرة قبائل يمنيّة بعد خراب "سد مأرب" لجنوب المنطقة موضوع الحديث، ولهالقبائل يُنسب الغساسنة... بفترات متتالية هاجرت قبائل كبيرة لشمال الهلال الخصيب، فسكنت تغلب وبكر بالجزيرة الممتدة بين سورية والعراق وتركيا! والهجرات الأخيرة تمّت بعد الفتوحات الإسلاميّة.
بعض القبائل العربيّة شاركت (بخجل) بالحضارات السوريّة، وخاصّة على الصعيدين التجاري والحربي، فنشوف الغساسنة والمناذرة كانوا حماة الحدود لكل من دولتي فارس وبيزنطية... على الصعيد الثّقافي العرب كانوا صفر على الشمال، إذا مو عَ الشمال عَ اليسار . (عم أمزح) بقصد أنّو مشاركاتن الثقافيّة في نموّ الآداب والعلوم لا يُذكر، وللأسف التاريخ ما حفظلنا أي شيء عن الثقافة العربيّة في تلك الفترة، وأنا أعتقد أنّو كان في شيء منها! (ما عندي دليل مادي على اعتقادي سوى بعض النصوص التاريخية البعيدة أكتر من ألف سنة عما نبحث عنه).
بعد الإسلام الوضع اختلف، لأن العرب دخلوا الحضارة من أبواب معدة سابقاً، وشاركوا في صنع المدنيّة إلى حد ما... !
لهالسبب ولما سبق (يبدو أني ثرثرت كتير) ممكن نعتبر "بعض العرب" من السكان اللي شاركوا بقيّة الإثنيات في أرض سورية (اليوم) وخاصّة مع وجود ممتدّ على مدى أكثر من ألفي سنة.

كاتب النص الأصلي : ابو نجبو

لكان الحضارات و الدول الموجودة بهديك الفترة "الاشورية - الكلدانية - البابلية - الفنيقية - الكنعانية - الحثيّة..الخ " مالون أصلّ واحد ...!!
بكتب المدرسة كانو يقولو انو كل هالحضارات أصلا من الجزيرة و تمّت عبر هجرات كبرى بمراحل متفاوتة من الزمن
ياريت اللي عندو شي كتاب أو مرجع موثوق يحطلنا ياه .....

كيف بتكون من الجزيرة وآثار الهلال الخصيب من أقدم آثار الحضارات في العالم؟!
لا ننسى أنّو "الهلال الخصيب" هو أرض مليئة بالمياه والأشجار (سابقاً) ولذلك نشأة الحضارة تمت فيها، مو بالصحراء... ما في أي أثر أو دليل تاريخي على أنّو الهجرات تمّت من "الجزيرة العربيّة": عم أحكي عن الحضارة الأولى (السومريّة) وما تلاها من الحضارات الأكادية (الآشورية والبابلية)... إلخ!
.