أحلى تحية لأحلى عالم بيحبّو الرياضة وخاصة كرة القدم ..
بعد ما شفنا المفاجآت اللي صارت بالدور الأول من بطولة أوربا للأندية الأبطال حبينا نطرح هالمسابقة لأنو إذا بتستمر المفاجآت رح يكون في حماس كتير كبير ...
هلأ ما رح نطول عليكن اللعبة هيي اللعبة التقليدية توقع نتائج المباريات ...
لنبدأ فوراً بعرض قوانين اللعبة وآلية جمع النقاط ...
1-رح نختار من كل مرحلة من البطولة 5 مباريات وعلى كل مشترك توقع النتيجة الرقمية لكل مباراة مع وضع اسم الفريق الفائز أو كلمة تعادل في حال كانت النتيجة المتوقعة هي التعادل .
2-كل متسابق يتوقع نتيجة المباراة كاملة يحصل على 3 نقاط أما في حال توقع نتيجة جزئية صحيحة يحصل على نقطة واحدة (النتيجة الجزئية هيي أنو أنا بتوقع يربح الفريق1 على الفريق2 بنتيجة 3-2 وكانت النتيجة النهائية للمباراة هيي فوز الفريق1 على الفريق2 ولكن بنتيجة مغايرة مثلاً 1-0 )
3-في حال استطاع المتسابق توقع نتائج مباريات المرحلة كاملة يحصل على 3 نقاط إضافية (عيشو بهالنعمة هههههه) .
4-فيما يخص الدور الأول يستطيع المتسابق توقع أسماء الفريقين من كل مجموعة و اللي بيتوقع انو رح ينتقلو للدور الثاني وهاد التوقع بيتم لمرّة واحد فقط بكرر لمرّة واحدة فقط هيي الأسبوع الأول من الدور الأول (يعني الأسبوع الحالي طبعاً بقصد الأسبوع الأول من المسابقة) وستمهل التوقعات التي ترد في الأسابيع اللاحقة ويحصل المتسابق عن كل اسم صحيح على نقطتين .
5-في الأدوار اللاحقة وحتى المباراة النهائية يتم توقع اسم الفريق المتأهل للدور التالي مع توقع مباراة الذهاب و يهمل التوقع في حال أتى مع مباراة الإياب وكمان عن كل اسم صحيح بيحصل المتسابق على نقطتين .
6-يبدأ طرح التوقعات مع طرح أسماء المباريات الخمسة وحتّى بداية أول مباراة منها أي يوم الثلاثاء من كل أسبوع وتحديداً في الساعة 9:45 م بتوقيت دمشق حيث يتم قفل الموضوع حتى انتهاء آخر مباراة من اليوم التالي ليعاد فتح الموضوع من جديد مع طرح المباريات الجديدة والبدء باستلام التوقعات .
ملاحظات :
1-صبايا وشباب يا ريت اللي عندو استفسار أو اقتراح يخص اللعبة أنو يحكي بسرعة لأنو ما قدامنا كتير وقت للتعديل وبعد ما تبدأ اللعبة ما رح نقدر نغير بالقوانين .
2-يمكن يكون في شوية تأخير سواء بتحديد المباريات أو بحساب النقاط أو بفتح الموضوع وقت بيكون مقفول ..
3-يحصل الفائز في المسابقة على وسام (
بطل الأبطال).
تعلن أول 5 مباريات قريباً 
محبتنا للجميع ومنتمنّى أنو يكون التنافس حلو وأنو تنبسطوا بهالمسابقة ..
انمار & منية ...
ليست حقيقة الإنسان بما يظهره لك بل بما لا يستطيع أن يظهره
لذلك إذا أردت أن تعرفه فلا تصغ إلى ما يقوله بل إلى ما لا يقوله ...