مرحبا ماهر
اقتباس:
|
عني بمعنى آخر أنتو عم تعملو متل المحطات الموجهة ضد سورية كبلد بتطرحو المشاكل و بتتمهزأوا و كأنو سورية مانا بلدكون ...
|
مين قال هيك ؟؟؟ من حرقة قلبنا ع البلد عم نحكي ... و لما منتمسخر منتمسخر ع الساسة تبع البلد ... متل ما نك شايف سياستهم رح توصل اميركا لحضننا
اقتباس:
|
غير أنو تلات رباع الأعلام بالعالم مسيطر عليه من قبل الأمبريالية والصهيونية الأميركية وأنتو بتعرفو هالشي ...
|
امبريالية و صهيونية ؟؟؟؟ يا رجل يللي اخترعوا هالمصطلحات بطلوا يحكوا فيها ... خوش ع شوي كان رح يعملوا سلام مع الصهاينة بس ربك ستر و انقتل رابين ... و ع فكرة الشباب مقهورين كتير عليه و كل شوي بيطالبوا بالوديعة
عموما حبيب ... ازا ما عندك خبر بكل بساطة لو كان عننا اعلام كنا قدرنا نفهم الناس شو القصة ... هي شغلة الاعلام الضعيف تبعنا عمرها شي 50 سنة على ما اظن ... لهلأ ما كانوا يعرفوا يزبطوه ؟؟؟؟؟
اقتباس:
|
ورغم ذلك بتنقادو ورا هيك حكي متل ما بينقاد الطفل ورا دعاية علكة مثلاً
|
يعني قصدك انو الفساد بسوريا مو مستشري كتيييييييييير ؟؟؟
طيب عال ... طالما الفساد مو بالصورة يللي رسمتو مؤسسة الشفافية ... ليش لهلأ ما كانوا يعرفوا يقبضوا ع الفاسدين ؟؟؟ شو بدك اثبات انو ميرو حرامي مثلا اكتر من انو طارت مصرياتو لما فلس الديري ؟؟؟؟ و هلأ عم يطالب بالمصاري السيد ميرو بدال ما يحققوا معو من اين لك هذا
اقتباس:
|
شباب مو الأفضل أنو تحطو مقترحات لكيفية محاربة الفساد ؟ مو أفضل من المسخرة والمهزأة قدام الرايح والجاي???
|
هي مقترحاتي فوق ... بتحل ازمة الاعلام و بتحل مشاكلنا مع اميركا و ما بيعود فيها اميركا تتدخل فينا بنوب و بتخرس خالص لو اتطبقت مقترحاتي ....
الدور و الباقي ع الشباب الطيبة ... نحنا حاطين مقترحات .. بالاخوية و برات الاخوية ... بس بدك مين يطبقها ... ع القليلي يخلونا نطبقها ...
اقتباس:
|
بالنهاية أسم مين عم ينحط بالقوائم الزبالة هي ... مو أسم سورية ?????
|
و مين يلي عم يوصلنا للزبالة ؟؟؟ ليش عم تحكي هالحكي لالنا ؟؟؟؟ نحنا مو طالع بايدنا غير نتفرج متلك متلنا .. ما مسموح انو نساوي شي ... كلو ممنوع ممنوع ممنوع
نحنا متفرجين متلنا متلك ... الفرق انو نحنا منشوف الغلط و منقول هون غلط يا جماعة يا ناس يا هوووووو يللي عم تعملوه وصلنا لورا البقر .... اما انت بعدك عم تقول لا فيهم خير الشباب .. إلا ما شي نهار يشتغلوا شي شغلة صح و تقلع عيننا فيها .....
نحنا ملينا، سنين و شهور و ايام عم تمضا و ناس صارت بالمريخ و نحنا بعدنا عم نطالب بتعريف للارهاب
اقتباس:
|
مشان هيك قلت شعب نايم ... مو بس نايم و مخدر كمان ...
|
معك حق ... الناس من كتر ما شافت ويلات و معتقلات و اقبية بفروع الامن فضلت تنام ...
اما نحنا يا اما مجانين مو خايفين ع حالنا، يا اما مقايسين و ما فارقة معنا، يا اما شايفين انو بلدنا بتستاهل انو نضحي كرمالها ... بلدنا، مو رئيسها و لا الحزب يللي عم يتمقطع فيها
تأكد ماهر انو نحنا متلك منحب بلادنا و منخاف عليها ... بس نحنا ما بدنا نضحك ع حالنا ... الوضع مأساوي، لازم حدا يصرخ و يقول انو الوضع مأساوي ....
و دمتم
عندما تتأجج نار التحششيش .. تنأى الحشائش بالحشيش الحشحشش ..
وحشيشة التحشيش .. عمر أحشش ..
حش الحشائش في حشيش محشش ..
حشاش يا أخا الحشيش ..
حشش على تحشيش محششنا القديم ..
سوريا الله حاميا
jesus i trust in you