[بدوي الجبل]

والله يا شباب
بالحقيقة يعني

انا صباطي حلووووووو بس عادي
كنزتي حلوووووووي بس عادي كمان
جراباتي حلووووووي كمان عادي
و شو كمان
شعر راسي عادي بس نوعا ما بشع بس حلووو شوي

المهم

المرّة الوحيدة يلي تأنقت فيها كتير كتير كتير كتير

مرة يا اخوان رحت على عرس
لبست صباط أسود عم يمرّي من كتر ما عم يلمّع
و طقم أسود كتير حلووووووووووووووو
و كرافي لون خمري و عطر روسي شو كان اسمو

أي أي تذكرت كان اسموا ريمي ماركوس
هو عطرروسي و في منو فرنسي

المهم

ادخلت على المقصف و كل الناس عينو فيني هك يخ

يا لطيف

قالوا هاد الشخص يا إما مدعوم يا ما شغلة كبيرة كتير
قعد كم ساعة بعدين رحت على الدبكة ( و الدبشة بلهجة أهالي الجزيرة )

و بعدين رجعت من الدبشة ( الدبكة بلهجة أهالي الادقي )

و ما شفت إلا كم عشر بنات ناطريني قاعدين محلي تماما

و المهم دبرت محل و قعد فيه راحوا لحقوني و أنا و قاعد ما شفت إلا كم بنت إجوا و قعدوا جنبي

هاي تغمزني
و هاي تضحكلي
وهاي تتحشر فيني

المهم : وحدة من هدول البنات البشعات

سألتني شووووووووو بتشتغل

فكرة البنت يسلي سألتني إنو أنا شغلة كبيرة( مسوؤل أو صاحب شركة ضخمة )

قلتلها بكل سرور ما بشتغل شي ...
وقامت و ما قعدت الدني راحت من صدمتها كانت يا حرام رح تجن

قامت قالتلي البنت يلي على يساري

شو بتدرس

هيي شو فكرت إلا بدرس ببريطانيا أو اسكوتلندا .. يا طب يا هندسة نووية أو من قبيلوا

المهم

الصدمة يلي كانت كبيرة إلها لما قلتلها عم بدرس جغرافيا بجامعة تشرين

ما شفتها إلا وقعت على الأرض و بعدها صحصحت كانت بدها تضربني بكاسة بيرة

لا لا . بظن كاسة عرق يمكن

المهم كاسة بيرة كاسة عرق ما بتفرق

المهم النتيجة ذاتها صدمة

الله

بس شو أكلت بهدلة من أخواتها الشباب تسوالي عمري
المشكلة مو هووون المشكلة إنو أنا ما إلي علامة بشي بتاتا

بس يالا اااااااااااااااااا

اصدم الناس وكب بالبحر






من يوميات بدوي الجبل
أحد اليوميات المنحوسة