بلوغر الدومري
أسئلة وأجوبة حول موقع الدومري السوري
مين نحنا
س : مين إنـتـوا ؟
ج : نحنا شلة شباب طـقّت معها الحكاية من كثرة الفساد والتخبيص والتطنيش.
س : شو علاقة موقعكم بمجلة الدومري يللي سكّروها ؟
ج : لا دخلنا فيهم ولا بنعرفهم.
س : ليش عاملين (بلوك) مو (ويب سايت) ؟
ج : مافي مصاري.
س : انـتـوا سوريين ؟
ج : إيـه والله العظيم. سوريين للعظم، وأبا" عن جدّ.
س : انـتـوا مع النظام ولاّ ضدّه ؟
ج : نحنا مع النظام إذا بيشتغل لسوريا، وضدّه إذا بيشتغل لكم زلمة وكم عيلة.
س : شـو رأيكم بالإخوان المسلمين ؟
ج : نحنا كلنا في سـوريا أحباب وإخوان.
بسّ حركة الإخوان المسلمين خربوا البلد الله يخرب بيتهم.
س : شـو رأيكم بحزب البعث ؟
ج : الله لا يعطيهم العافية. لازم يغيروا اسمه لحزب البعص.
س : شـو رأيكم بالمعارضة في الداخل ؟
ج : هيّ عراضة مو معارضة.
س : شـو رأيكم بالمعارضة في الخارج ؟
ج : عم يتسلّوا، شو فارقة معهم ياعمّي.
إذا ظبطت معهم بتكون ظبطت.
وإذا ما ظبطت، الله يتمّ عليهم عايشيين برّا البلد ومعهم جنسيات وإقامات.
س : ليش ما بتهاجروا ؟
ج : ما فشروا نتركلهم البلد . ( بس كمان فيزة الهجرة صعبة..!!)
س : مو خايفيين يصرلكم شي مشكلة بسبب هالموقع ؟
ج : ليش مو كل المسؤولين عم يحكوا عن الشفافية ؟ هيّ عملنالهم موقع شفاف.
إذا عندكن شي سؤال لا تخجلوا ، ارسلوه ونحنا منضيفوا على هالصفحة
syriandomari@yahoo.com
العنوان
http://faqsyriandomari.blogspot.com/
عـــــــــــــــــــــــــــــبـــــــــــــــايــــــــــــــــــــــــــــــــــــــــــــــــــــة
زورو موقع الدومري :
http://aldomari.blogspot.com
|