اقتباس:
|
1 -شخصيتك هون هي شخصيتك الحقيقية ولا لا وقديش نسبة التقارب بيناتهن اذا كانو مو شخصية وحدة؟
|
هلق انا ما بعرف اذا هي شخصيتي الحقيقة .. بس انا ما بحس وقت بكتب هون اني عم حاول احكي شي مشان يعجب العالم .. انا هي افكاري بشكل عام وما بعتقد في فرق بين شخصيتي هون وشخصيتي بالحياة العادية ..
اقتباس:
|
2 - شو ممكن تهدي بعيد الحب غير الوردة بتعرفو قرب هالعيد وشو رايكن فيه؟
|
انا من جهتي بحب اهدي وردة ومعة لعبة صغيري ( شي دبوب او هيك شغلات ) بس لهلق اسا ما كنت ولا مرة بعيد الحب مع الشخص الي بحبو ( للاسف )
وانا شو رأي بعيد الحب .. شي كتير حلو لانو هو بالنسبة الي عيد الحب والمحبة والصداقة .. يعني بهاليوم لازم يكون كلشي مميز حتى ولو الواحد كان بعيد شوي بس أكيد الحب بيضل موجود .. وانا بتمنا لو انو كل يوم بيضل الحب في قوي متل عيد الحب..ز
اقتباس:
|
3 - قديش بتتفق بينك و بين حالك مع مبدأ طنش تعش تنتعش ؟
|
هلق هادا المتل اجت فترة طويلي وهوي شعاري بالحياة... لانو في كتير شغلات الواحد فينو يشوفا بس للاسف كا بيقدر يغير فيا شي ... مشان هيك التطنيش بهالحالة بيخلي الواحد يرتاح شوي ولو نظريا بس ... بس انا كمان مع انو الواحد يطنش اوقات ويسعى وراة الشي باوقات تاني .. لانو ما كلشي بالحياة متل بعضو .. وما كل اصابيعك متل بعضون ..
اقتباس:
|
4 - شو بتعنيلك ابتسامة طفل ؟
|
هلق انا بطبعي بحب لولاد شوي وبضل حبون لحتى يبلشو بالبكي لانو بس يبلشو ما عاد غير الله يسكتون ...
وانا شو بتعنيلي ابتسامة ولد ( من الناحية الفلسفية ) انو اسا الدنيا بخير والحياة اساتا حلوي وهاي الابتسامة المزروعة على وجه الولد بتخلي الواحد يحس بسعادة ما طبيعيي ..
( من ناحيتي الشخصية ) هادا ولد مبسوط ووعما يتضحك وما فارقة معو الدنيا كلا
( من الناحية التشائمية ) اساتو صغير ما شاف شي بالحياة بس يكبر شوي بيتحول الضحك لبكي على الحياة الي ما بتتهدا ...
بس انا بعتبر انو الناحيتين الاولانيات هني الراجحين عندي ..
اقتباس:
|
5 - شو بتعنيلك العلاقة اللي بتكونها عبر الانترنيت دون تحديد شب ولا بنت ؟
|
العلاقة بتكون عبياني بالغموض بس كمان في الى طابعة الخاص وحلاوتة ولذتة... بس اسا ولا مرة متعرف على حدي شخصيا بعد معرفة بالانترنت .. بس في عندي كتير رفقات اعز رفقاتون بيكونو متعرفين عليون عالنت ..
اقتباس:
|
6 - كيف بتشوف الصداقة بين الرجل و المرأة ؟
|
انا بوجهت نظري احلى الشي بالعالم .. وما بعتقد انو في اعز من الرفيق الي من الجنس الاخر .. وهادا بغض النظر عن الزواج ... وانا عم احكي عن الصداقة الي بتضل بين شخصين رغم انون تنيناتون مرتبطين ( بس ما مع بعض ) لانو بتصير العلاقة كتير طاهرة وحلوة
هي كانت وجهة نظري بالاسألة .. وعنجد في كتير اسألة بتضرب عالوتر الحساس ....
وشكرا كتير بنت اللاذقية عالموضوع .. وبعتقد انو بيخلي كل الاخوة تعرف وجهة نظر وطريقة تفكر باقي الاعضاء ..
شكرا مرة تاني .. وانشالله كون جاوبت صح ...
صحي ايمت بتطلع العلامات ... يا رب يكونو اجوبتي صح وأخد علامة كويسي...
انا لست على هذا العالم كي اكون كما يردني الغير ان اكون
العلم يخبرني انه لابد من وجود الله
عقلي يخبرني اني لن استطيع فهم هذا الالله
وقلبي يخبرني انه لا داعي لكي افهمه
We ask the Syrian government to stop banning Akhawia