[krimbow]

كاتب النص الأصلي : blade

لاتعليق على كلامك ياعزيزي
بس سؤال بيطرح نفسه اعضاء المنتدى الباقين وين ولا المشرفين يلي مابخلوا موضوع الا و بيحطوا لمستهم الدهبية فيه
؟؟
او بالظاهر الموضوع ليس بالمغناج ؟

1- هاد المنبر حر: كل واحد بيحقلو يعلق او ما يعلق

2- كل مشرف باخوية عندو رأي مستقل تماما عن آراء باقي المشرفين و القاسم المشترك الوحيد بيناتهم هوي العمل التطوعي للاشراف بقلب اخوية نت

3- انت شكلك ناوي عن جد تخرب بيتي

4- رح حط رأيي بالموضوع بس بتمنى انو الكل يعرف انو هاد رأيي الشخصي و ما حدا الو دعوى فيه ... يعني هاد الرأي بيعبر عن رأيي فقط ... و ما دخل اي مشرف او اداري تاني فيه، لدرجة انو ممكن يخالفوه او يتحفظوا عليه او يكون الهم رأي معاكس تماما

بدك رأيي
هي رأيي

لك حاج تعيطووووووووووووووووووا
حاج تعيطوا انت و ياه و ياه و ياها

شو بدكم يانا نعمل ؟؟؟ ازا كتبنا كلمتين صارت المخابرات ع البواب
و 2 من رفقاتنا مضروب على قلبهم بمدري انو قبو
و واحد هربان و ملاحق
و واحد بينتحسوا الشباب ازا ما صبح و مسا عليهم كل يوم ... من بيتو لحرستا ... تارك شغلو و تارك عمرو مشان ما ينتحسوا الشباب بلعبة البوكر يللي عم يلعبوها فينا

انتوا بدكم يانا نحكي ... هنن ما بدهم يانا نحكي
بس عم نحكي
مع انو منعرف انو العين ما بتعلا ع الحاجب ... عم نحكي
مع انو منعرف انو ما في فايدة من الحكي ... عم نلعي

لما سألنا عن حسام كلو كش و هرب من وشنا... بتعرفوا ليش ؟؟
لأنو هالمجند يللي سألناه، ابشع صورة كان شايفها بحياة اهلو هيي صورة شي خاروف عم يندبح
كم صورة مموهين و مو مفهوم راسهم من رجليهم لكم سجين عراقي و مو فهمان شو عم ينعمل فيهم
بس هادا كان زمااااااان
مع فوتتة حسام و علي صار في معاني تانية للصور البشعة
كل يللي سألناهم عن حسام قالولنا "راسو يابس، مخو ترس، لسانو طويل"
طيب واحد "راسو يابس" شو يللي خلاه يعطيهم اسماءنا و ارقام تلفوناتنا و عناويننا ؟؟؟

بدكم صور بشعة؟
رح اترككم تتخيلوا لحالكم الصور البشعة

اهل العراق بيوكهم غربا عنهم ... نحنا بيوكنا مننا و فينا (مقتبس بتصرف من مسرحية غربة)

و اتركوني قاعد ببرجي العاجي (هي موجهة للاعضاء و عناصر المخابرات)
هيك من فوق عم نظّر ع الكل
لأنو انا مو شاطر غير بالتنظير



بس في سؤال رح يطيرلي عقلي و ما كنت اعرف لاقيلو جواب
انو ليش كل المحققين بيحبوا يحققوا مع المتهم و هوي بالزلط ؟؟؟