هلق كريم رح اشرحلك قصدي "انت كمسيحي تعتبر الحجاب ماركة وانا كمسلمة لا اعتبره كذلك"
وانو انت عم تحكي كانسان مو كمسيحي وبس ...
قصدي كان انو الحجاب في الاسلام يختلف تماما عن المفاهيم الخاطئة المزروعة بالناس ...
المفهوم الخاطئ للناس عن الحجاب :
في ناس بتتوقع انو الحجاب هو عبارة عن قطعة قماش بتشتريها المسلمة وبتلبسها وبس ...
وبتتوقع انها بهالشكل بتكون خلوقة ومحترمة ومافي منها ...
المفهوم الاسلامي الصحيح للحجاب :
ان الحجاب هو مو بس هالقطعة الي بتغطي الراس بالعكس.. الحجاب مفهومه اوسع بكتير
الحجاب هو تغطية الشعر واللبس المحتشم الي بيظهر البنت بشكل مؤدب ...
والحجاب لا ينفع دون زينة الاخلاق والقلب الصالح ...كما قال الرسول : ألا في الجسد مضغة اذا
صلحت صلح الجسد كله واذا فسدت فسد الجسد كله ، ألا وهي القلب ...
ما قال الحجاب هو الي بيصلح والي بيخرب
وفي قصص كتير عن موضوع اهمية نقاء القلب بس مارح ادخل فيها ...
بهالشكل بيكون الحجاب في الاسلام مو مجرد علامة تطبع على البنت لتبين انها مسلمة
هو فعلا انو الي متحجبة رح يعرف انتمائها الديني للاسلام
لكن تعا للواقع ...الاسلام يعنى بالخلق قبل المظهر هل هيي طبقت هالشي ؟؟؟
اذن هل تستحق لقب مسلمة حقيقية ؟؟؟ الله اعلم
الحجاب عبادة مو عادة
مو عادة روتينية للبنت المسلمة متلو متل الفطور والغدا والعشا
الحجاب الو معاني سامية كتير ترقى عن كونه مجرد علامة تميز المسلمة
اما بالنسبة لاني خاطبتك كمسيحي
اسفة مرة تانية ما قصدت هيك
الانتماء الديني مو هو الي بيحدد العلاقات بين الافراد والناس
وانا غير متحجبة لكني ادافع عن كل فتاة سلبت من حريتها بممارسة معتقداتها باسم الحرية
متل ما زكرت انت
بدافع عنها لانها انسانة وبتهمني قضيتها
لانو بيوم من الايام بازن الله لما رح ارتدي الحجاب مابدي هالمشكلة تؤذيني
تحياتي وشكري لالك كريم