حلقة أخوية :
يتشقق وجهك كل صباح ويتسرب نور الألهة الى دماغك السميك عن طريق عينيك البليدتين .. وتفكر وين الأخوية ؟ الأخوية ؟؟ شو عم تهذي يازلمة ؟؟ شو شايفها بنومك ؟؟؟ أي شو المشكلة ؟
المشكلة أنو هدا اسمو اعتياد... أي بيضل أحسن من الادمان مو ؟؟ مو ونص .. بس يعني شرط يا أدمان يا اعتياد ؟ مافي حل تالت غير العووو و النيوووو ؟؟ شو يعني بدك مثلا : جعررر جعرررر جعررر ؟؟ فشرت..
شو اللي محببك بالأخوية ؟؟ بدك الصراحة ولاجارتها ؟؟ لاء طبعا الصراحة .. ناقصنا دجل وشعوذة؟ طيب فتحلي مخك و طلبلنا تنتين اسبرسوو بلا هيل .. بلا هيل هاا ؟؟ أي بلا غلاظة .
هلق خدني على قد عقلي .. اذا اشتريت بنطرون ورحت على البيت اكتشفت أنو مبخوش , شو بيتعمل ؟ والله هي قضية فلسفية غاية في التعقيد و تحتمل كتير خيارات , خلينا نشوف شو عنا خيارات:
اذا جقر وتيس وعندك وقت واحترام لحالك , بتروح بتزت هالبنطرون بوش الحرامي اللي باعك ياه, و بتدور على غيرو .
اذا أنت مسالم وطيب مو أهبل, بتتبرع بلبنطرون لجمعية حفظ النعمة , و بتشتري غيرو .
اذا أنت طفران ومسالم وطيب, بتتركها لربك و بتلبس واحد غيرو.
بكل الحالات بدك بنطرون غيرو .. جديد ولا قديم .. بدك غيرو ..غيرو .
طيب والوطن اللي طلع مغشوش ؟؟ ومبخوش ؟؟
مدري عووووووووو,,,, مدري نيوووووووووووو.
يا طالب الدبس من طيز النمس ... كفاك الله شر العسل
مافي الله لتروح اسرائيل.