[SIMON]

كاتب النص الأصلي : SIMON

في بيناتنا حروف يا غالي ...ههههههههه

مقابلة مع إيكر كاسياس بعد مبارة اوساسونا:



"لتصد ضربة جزاء لازم يكون الحظ معك دائماً"

_كيف شفت المبارة من عندك حبيب؟

__ الصراحة كان فيها تداخلات و شغلات غريبة عجيبة "حتى زتّو علينا ترمس شاي ستانلس يا غالي كان رح يروح باتيستا ع شوي"
لازم ننسى هالمبارة و نفكر بالمبارة الجاي
فزنا معي أو بدوني و هاد هوي الشي المهم ,غامرنا كتير بس المهم النتيجة ..انطردت قبل بمرة بكأس الملك بس لازم نرضى بقرار
الحكم لأنو هادا هوي الفطبول "بالحومصي هههههه" ,الحقيقة جادلت أكتر من اللزوم بأول بطاقة و التانية ما بدها تنين يحكو فيها..
يعني شطت الطابة لبعيد كتير مشان اقدر ارجع عالمرمى بأسرع وقت مشان ما يرقّونا التاني يا حبيب ..فهمانني أبو السيم أكيد..
"بهز براسي موافقاً "



_شو مشان الجو بالملعب زعجك شي ؟؟ دايقك شي؟؟

__الشغلة مو أنو تدايقت أو ما تدايقت , اللي عملوه طبيعي "إلا هالترمس هههه" يعني الشباب عم يشجعو فريقهم و هادا شي طبيعي!
ما حسيتهم كتير عدائيين متل ما وصفوهم .!

_ يعني أبو الكير "ما لقيت دلع أحسن من هاد عندكون شي غيرو ههه" شايف متل ما
شايف ..الصراحة هالتلات نقاط إجو بوقتهم مو هيك؟؟

__إي والله شو بدك بالحكي "أبو السيم" طريقة لعبهم فريدة .. و خطورتهم الكبيرة بالطابات العالية و الثابتة , و بدك الصراحة
"بهز براسي إي" نحنا ما كنّا بأحسن صورنا ..يعني فيك تقول ماشي الحال ..

_يعني يا معلّم هالتلات نقط خلّتكم بالمنافسة "مع فالنسيا" عالمركز التاني المؤهل مباشرة لدوري الأبطال ؟

__إي أكيد ...يعني لو كنّأ متعادلين او خسرانين كنا ودّعنا المركز التاني .. بس الحمدلله مشي الحال و جبناهم "للـ3 نقط"

_شو يا حبيب ..شايفك رجعت تتصدى لضربات جزاء حاسمة ؟

__ الصراحة و بكل واقعية ..لازم يكون حظّك عجيب لتصد ضربة جزاء .. مع أنو في كتير عالم بتقلّي حارس عجيب "متل ما بتقول حضرتك يا غالي"
بس بهالمبارة كنّا كلّنا عجيبين لجبنا الـ3 نقط ..

_مشكور حبيب القلب "ايكر كاسياس" ع هاللقاء الحلو و بالتوفيق للريال ادام الراسينغ سانتاندر..

__الشكر الك يا غالي و ابقى سلملي عالشباب الطيبة حواليك ..


_ ع راسي بيوصل..

لقاء حقيقي مترجم "للسوري ههههه" و هاد اللينك من صحيفة AS الإسبانية
http://www.as.com/articulo/futbol/Pa...sdaiftb_9/Tes/

انشالله يكون عجبكم ..تحياتي