اقتباس:
|
كاتب النص الأصلي : Joe
اول شي مافي دولة مانا مديونة لدولة تانية. حتى أميركا مديونة لدول تانية و بنوك دولية. نحنا مديونين ليوم الدين لروسيا و من فترة راح رئيسنا ع رورسيا و سامحونا الروس بشوية مصاري... بس لساتنا مديونين و غالبا عندنا دين كبير لدول تانية متل فرنسا. بس هادا مانو كلامنا هلأ... لأنو متل ما قلت كل دولة بالعالم مديونة لمؤسسات مالية تانية. العيب بس انو ننعفى من الديون كصدقة و نحنا عندنا القدرة و الموارد اننا نرد هل ديون بشرف
|
جو برجع بقلك أنو حكيك مانو دقيق سوريا مديونة لروسيا بس ما ليوم الدين وهاي الديون ما فينك تحكي فيا مقارنتاً بالديون تبعيت لبنان ومصر وغيرها وقت سامحونا بشوي ما صدقة وما في شي اسمو لوجه الله هادا كلو أتفاقيات وشغلات تاني أنت وأنا ما نسمع فيا
اقتباس:
|
كاتب النص الأصلي : Joe
ثاني شي... صرنا من السبعين ع اساس استعداد لحرب. لساتنا ع دبابات من الستينات و الشعب جوعان. 75% من الدخل القومي السوري بيروح على الجيش و ما في عنا جيش بينحكى فيه
|
مرة تالتة حكيك ما دقيق الشعب السوري مانو جوعان وما عم بيروح 75% من الدخل القومي على الجيش عم بيروح حوالي 40% وقت بيصير في سلام رح ينزلو ل20%
اقتباس:
|
كاتب النص الأصلي : Joe
ثم نعم اذا الحكومة ما عم تحقق مصالح الشعب فالحل هوي بمعارضة اساليب الحكومة. مافي حل تاني. اذا عارضت و فشلت,,, بتقدر تضل تعارض و تغير حكومات حتى يتحقق النظام الصحيح. بينما اذا ضلينا قاعدين بعمرو ما رح يصير تغيير و لا رح نعرف طعم التغيير و انه في حل تاني و في طريقة اخرى ممكن تسير فيها الامور
|
مرة تاني نفس السؤال كيف أصدك معارضة
اقتباس:
|
كاتب النص الأصلي : Joe
و مشان اسرائيل و اميركا. هادا واقع ما رح يتغير بقى الاحسن نتأقلم
|
مانو واقع ورح يتغير والتاقلم معو هو قمة الضعف
اقتباس:
|
كاتب النص الأصلي : Joe
و طبعا اصحاب السلطة بسوريا ما بدون سلام. السلام يعني ما عاد 75% من مصاري سوريا تروح لجيوب الضباط... و تنسحب بالتالي كل السيارات الخاصة و الدعم و المناصب... و معناها تنلغى قوانين الطوارئ و تنفتح الحريات... لانه صار في سلام.. و ما عدنا نخاف على أعداء الثورة و ضرب الصمود الوطني  بالتالي خلص يلي كان صاحب سلطة و تسلط على الشعب ما عاد عندو حجة. بينما طالما في حجة اسرائيل و الحرب طالما راكبين على ضهرنا |
نفس الكلام ما 75% عم تروح لجيوب الضباط حكيك صح الضباط عم يستفيدو من هالشيء بس ما لهدرجة
اقتباس:
|
كاتب النص الأصلي : Joe
طبعا انك تفكر بالموضوع هادا اول الطريق. لانو المصيبة انو في ناس ما بتعرف تفكر و لا راضية تفكر. بس تفكر و تقتنع بوجود وسيلة تانية و حياة تانية كريمة ممكن نكون عم نعيشها... وقتها في اشياء كتيرة ممكن تنعمل. و متل ما قلت انا... نحنا هلأ عايشين بعصر صارت فيه الاتصالات كتير سهلة و قوية كتير.. و الانسان بيقدر يتواصل مع الجميع و صوتك مسموع لكل العالم
|
هادا الحكي حلو
