[عاشق من فلسطين]

لك مشكور كتير على هالطرح يا أخ داني .. يعني فعلا" شيء مؤسف هالشي .. وكمان يعني الاسلام مو أحسن .. درزي وسني وعوي وشيعي ومرشدي وسمعولي .. وزيدي ...
يعني المشكلة مانها حديثة فالاسلام تفرق الى هذه الطوائف منذ وفاة الرسول . . يعني من صنعه .. والمسيحية نفس الأمر ..
وأنا حابب أحكي شغلة بعد أذن سنيورتنا الغالية حنان ...
الموضوع ماراح ينحل بمنادة الكنيسة أو بمنادة الجامع .. لتوحيد المسيحية أو الاسلام .. لأنو هذا شيء مستحيل .. بس بكل بساطة هالشي بيختفي لما الواحد بيتناساه ... لأنو للأسف موضوع الطوائف ( سواء" بالاسلام أو بالمسيحية ) مانو فقط موضوع اختلاف بالأعياد و التقاليد الدينية .. الأمر وصل للكراهية والأحقاد الدفينة وتكفير كل طائفة للأخرى (وليس علنا" بالضرورة) .. يعني أنا ب{ايي حل الموضوع مو بتوحيد الكنيسة الكبرى للدين .. لأنو هادا ماراح يحل غير المشكلة الصغيرة (بس هذا لا ينفي أنه يساعد على حل المشكلة الكبيرة) .. أما المشكلة الكبيرة والمزروعة هي الكره بين الطوائف وهي حلها ما بدو لا كاهن ولا شيخ .. لا محمد ولا المسيح (لأنو عملو دورهم على كامل وجه) المشكلة حلها بأيدنا نحنا يعني أنا بس أنسى أنو أنا كاثوليكي مثلا" ماراح أكره الماروني .. أو اعتبرو مخطئ بدينو .. وهيك وبتطهير كل واحد لنفسو من الطائفية .. الدين بيتوحد ..

ولا تواخذونا كترنا حكي كتير ..